close
Եղանակը Երևանում
29 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
29 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան «կփակի դուռը», եթե Եվրոպան կատարի իր պահանջները

Աշխարհ

11 Մարտի 2020, 18:55
 Թուրքիան «կփակի դուռը», եթե Եվրոպան կատարի իր պահանջները

Թուրքիան պատրաստ է «փակել դուռը» և դադարեցնել փախստականների հոսքը Եվրոպա, սակայն դա հնարավոր է միայն այն դեպքում, եթե երկրին առանց վիզայի ռեժիմ տրամադրվի: Պայմանը բարձրաձայնել է Թուրքիայի նախագահ Ռեջեփ Թայիփ Էրդողանը. տեղեկացնում է yerkir.am-ը՝ pravda.ru-ին հղումով:

«Մենք կատարել ենք մեր պարտավորությունները… Մենք 9 տարի հաց ու ջուր ենք տվել փախստականներին: Հիմա նրանք ցանկանում են Եվրոպա գնալ: Ես միշտ ասել եմ՝ եթե դուք չկիսեք մեր բեռը, մենք կբացենք դռները: Նրանք կարծում էին, թե կատակ եմ անում: Բայց ես բացեցի դռները: Մենք կշարունակենք մեր ընթացիկ քաղաքականությունը, քանի դեռ  կոնկրետ քայլեր չեն արվել առանց վիզայի ռեժիմի, բանակցային գործընթացում նոր կետերի, Մաքսային միության համաձայնագրի նորացման ուղղությամբ: Ապօրինի միգրանտների հոսքերը կհեղեղեն Միջերկրական ծովը»,- հայտարարել է Էրդողանը:

Այսօրվա դրությամբ Թուրքիայից Հունաստան անցած փախստականների թիվը գերազանցել է 150 հազարը, ընդ որում՝ Հունաստանը համոզված է, որ իր սահմաններն անցնում են կազմակերպված խմբեր, որոնց կազմում ոչ թե սիրիացի փախստականներ են, այլ միգրանտներ, որոնք երկար տարիներ ապրել են Թուրքիայում:

Ի դեպ, այսօր Էրդողանը հունական սահմանները պաշտպանող զինվորականներին համեմատել է նացիստների հետ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica