close
Եղանակը Երևանում
6 Հուլիսի 2020
+20°
+31°Ցերեկ
+19°Գիշեր
weather
close
Փոխարժեք
6 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Մենք մերժում ենք այս կեղծ հանրաքվեն». «Ազգային օրակարգ» կուսակցություն

Քաղաքական

5 Մարտի 2020, 11:04
 «Մենք մերժում ենք այս կեղծ հանրաքվեն». «Ազգային օրակարգ» կուսակցություն

Այսօր Երեւանի մի շարք մայրուղիներում հայտնվել են մեր կուսակցության կողմից պատրաստված քարոզչական վահանակները, որոնցում մենք կոչ ենք անում մերժել իշխանությունների կողմից սահմանադրության եւ օրենքների խախտմամբ նախաձեռնած, եւ փաստացի հասարակությանը պարտադրված հանրաքվեն։ Այս մասին Facebook-ի իր էջում գրել է «Ազգային օրակարգ» կուսակցության խորհրդի անդամ Ավետիք Չալաբյանը. հայտնում է Yerkir.am-ը:

Նա, մասնավորապես, նշել է. «Մենք սկզբունքայնորեն մերժում ենք այս կեղծ հանրաքվեն, քանի որ այն՝

ա) լինելով իր էությամբ հակասահմանադրական, դուռ է բացելու շարունակական իրավական քաոսի եւ անկայունության համար,

բ) ցանկացած արդյունքի դեպքում վնաս է տալու պետությանը եւ մեր երկրի զարգացմանը, եւ բերելու է պետական կառույցների հետագա կազմալուծմանը

գ) կարող է բերել իշխանության էլ ավելի մեծ համակենտրոնացման մի ուժի ձեռքում, որն արդեն իսկ երկրի զարգացման առանցքային հարցերում ցույց է տվել իր ոչ կոմպետենտությունը եւ ամբոխավարական էությունը

դ) վնասելու է մեր միջազգային հեղինակությանը եւ շեղելու է մեզ ժողովրդավարական եւ իրավական զարգացման ճանապարհից,

ե) արդեն իսկ պառակտել է հասարակությունը, եւ նպաստելու է էլ ավելի մեծ բեւեռացման եւ հակադրության։

Եթե դուք կիսում եք մեր մոտեցումները, միացեք մեր կոչին։ Դեռ ժամանակ կա, եւ այսօր լավագույն ելքը այս հանրաքվեի չեղարկումն է, դրա հնարավորությունը գործող իշխանությունն ունի։ Իսկ եթե իշխանությունը շարունակի համառել, այս հանրաքվեն պետք է առհամարել․ դրանով հստակ ուղերձ հղելով, որ հասարակության մոլորեցումը եւ պառակտումը հեռանկար չունի, եւ նախորդ իշխանությունների դեմ պայքարի անվան տակ քանդել մեր պետության առանցքային կառույցները մենք թույլ չենք տա։

Այս դեպքում, եթե նույնիսկ մի քանի հարյուր հազար մեր մոլորեցված համաքաղաքացիներ քվեարկեն Սահմանադրական դատարանի կազմաքանդման օգտին, դա դեռ բավարար հիմք չի տա այս իշխանությանը՝ շարունակելու պետության կառույցները քանդելու իրենց արդեն իսկ հստակ ուրվագծվող ուղեգիծը, եւ մենք շանս կունենանք խուսափել առավել բացասական հետեւանքներից»:

Հիշեցնենք՝ ապրիլի 5-ին ՀՀ-ում սահմանադրական փոփոխությունների հանրաքվե է սպասվում, որի ժամանական հանրաքվեի կդրվի Հայաստանի Հանրապետության Սահմանադրական դատարանի նախագահի ու անդամների լիազորությունների դադարեցման հարցը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica