close
Եղանակը Երևանում
8 Ապրիլի 2020
+9°
+10°Ցերեկ
+2°Գիշեր
weather
close
Փոխարժեք
8 Ապր 2020
USD1496.58
GBP1612.23
EUR1539.43
RUB16.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վարչապետի աշխատակազմն անհիմն սահմանափակել է «Մեդիա Պաշտպան»-ի տեղեկություններ ստանալու իրավունքը. «Իրավական ուղի» ՀԿ

Քաղաքական

24 Փետրվարի 2020, 15:04
 Վարչապետի աշխատակազմն անհիմն սահմանափակել է «Մեդիա Պաշտպան»-ի տեղեկություններ ստանալու իրավունքը. «Իրավական ուղի» ՀԿ

«Իրավական ուղի» հասարակական կազմակերպությունը հայտարարություն է տարածել՝ նշելով, որ ՀՀ վարչապետ Նիկոլ Փաշինյանի աշխատակազմն անհատական տվյալների պաշտպանության պատրվակով անհիմն սահմանափակել է «Մեդիա Պաշտպան» նախաձեռնության տեղեկություններ ստանալու իրավունքը. հայտնում է Yerkir.am-ը:

Հայտարարությունում, մասնավորապես, նշվում է. 

«2019 թվականի սեպտեմբերի 24-ին «Մեդիա Պաշտպան» նախաձեռնությունը ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ին խնդրել էր տրամադրել ՊՈԱԿ-ում մշտական գրանցված և 2018 թվականի հուլիսի 1-ից մինչև 2019 թվականի սեպտեմբերի 20-ը ընկած ժամանակահատվածում աշխատանքից ազատված աշխատակիցների անվանացուցակները։

Հարցմանն ի պատասխան Կազմակերպությունը հրաժարվել է տրամադրել տեղեկություն, պարզաբանելով, որ հայցված տեղեկատվությունը հանդիսանում է անձնական բնույթի տեղեկություն ՊՈԱԿ-ի աշխատողների վերաբերյալ, ուստի այն կարող է տրամադրվել տվյալների սուբյեկտի համաձայնությամբ, կամ այն դեպքում, եթե այդ տեղեկատվության օգտագործման վերաբերյալ կտրամադրվի «բավարար պաշտպանության մակարդակ»։

Նշվածի հետ կապված «Իրավական ուղի» հասարակական կազմակերպության փաստաբան Դավիթ Ավագյանը դիմել էր ՀՀ արդարադատության նախարարության Անձնական տվյալների պաշտպանության գործակալություն և դատարան։

Անձնական տվյալների պաշտպանության գործակալությունը համապատասխան որոշմամբ հաստատել է, որ «Մեդիա Պաշտպան» նախաձեռնության կողմից հայցված տեղեկությունը չի պարունակում «Տեղեկատվության ազատության մասին» ՀՀ օրենքի 8-րդ հոդվածի 1-ին մասով նախատեսված տեղեկություններ և դրա տրամադրմամբ չի հակասում «Անձնական տվյալների պաշտպանության մասին» ՀՀ օրենքին»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica