close
Եղանակը Երևանում
4 Հուլիսի 2020
+26°
+30°Ցերեկ
+18°Գիշեր
weather
close
Փոխարժեք
4 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տիգրան Հարությունյանը՝ միանձնյա առաջատար. Aeroflot Open-2020

Սպորտ

23 Փետրվարի 2020, 17:36
 Տիգրան Հարությունյանը՝ միանձնյա առաջատար. Aeroflot Open-2020

Մոսկվայում ընթացող Aeroflot Open-2020 շախմատի փառատոնում Հայաստանի 13 պատվիրակներից առավել հաջող հանդես է գալիս գրոսմայստեր Տիգրան Հարությունյանը:

22-ամյա շախմատիստը B խմբի մրցաշարի մեկնարկում տարել է 4 անընդմեջ հաղթանակ և այժմ միանձնյա գլխավորում է մրցաշարային աղյուսակը: Նույն խմբում հանդես եկող Հովիկ Հայրապետյանը վաստակել է 3,5 միավոր, իսկ Աննա Սարգսյանը՝ 3: Հայաստանի կանանց հավաքականի առաջատարներ Էլինա Դանիելյանն ու Լիլիթ Մկրտչյանը 2-ական միավոր զբաղեցնում են 62-րդ և 66-րդ տեղերը:

A խմբի մրցաշարում համեմատաբար հաջող է մեկնարկել երիտասարդ գրոսմայստեր Մանուէլ Պետրոսյանը, որը 4 հնարավորից վաստակել է 3 միավոր և գտնվում է երկու առաջատարներին հետապնդող շախմատիստների թվում: Շանթ Սարգսյանն ու Հայկ Մարտիրոսյանն ունեն 2,5-ական միավոր, իսկ ահա Հայաստանի հավաքականի անդամ Գաբրիել Սարգսյանը 2 միավորով զբաղեցնում է 58-րդ տեղը:

Այսօր տեղի կունենան 5-րդ տուրի պարտիաները: Մանուէլ Պետրոսյանը սպիտակներով կմրցի հնդիկ գրոսմայստեր Սետուրամանի հետ: Գաբրիել Սարգսյանի մրցակիցը սերբ միջազգային վարպետ Վելիմիր Իվիչն է:

B խմբի մրցաշարում Տիգրան Հարությունյանը սևերով կհանդիպի ռուսաստանցի Նիկիտա Աֆանասևի հետ, իսկ Հովիկ Հայրապետյանը՝ Սերգեյ Դրիգալյովի հետ: Աննա Սարգսյանի առաջիկա մրցակիցը մոնղոլ Սումիա Բիլգունն է: Էլինա Դանիելյանը կհանդիպի հնդկուհի Գադանտի Հարծիտայի հետ, իսկ Լիլիթ Մկրտչյանը՝ ռուսաստանցի Վլադիսլավ Կրասիկովի հետ:

Բարձունքի ուտոպիան
3 Հուլիսի 2020, 22:02 Բարձունքի ուտոպիան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica