close
Եղանակը Երևանում
14 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
14 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իշխանականների կողմից ՈՉ-ի թիրախավորումն սրել է իրադրությունը. Դավիթ Խաժակյան

Քաղաքական

21 Փետրվարի 2020, 21:39
 Իշխանականների կողմից ՈՉ-ի թիրախավորումն սրել է իրադրությունը. Դավիթ Խաժակյան

Երևանի ավագանու «Լույս» խմբակցության անգամ Դավիթ Խաժակյանը ֆեյսբուքյան իր էջում գրառում է կատարել՝ նշելով, որ այս օրերին բազմաթիվ հեռախոսազանգեր է ստացել առ այն, որ տեղամասային ընտրական հանձնաժողովի անդամի վկայական ունեցող անձինք, ցանկություն ունենալով ներգրավվել ՏԸՀ-ներում, մտավախություն ունեն, որ ՈՉ-ի կողմից ներկայացվելու դեպքում կարող են բախվել իրենց աշխատանքի հետ կապված խնդիրների։ Գրառումն ամբողջությամբ՝ ստորև.

 «Հարգելի ընկերներ,

Տեղեկացնում եմ, որ այս օրերի ընթացքում ստացել եմ բազմաթիվ հեռախոսազանգեր առ այն, որ տեղամասային ընտրական հանձնաժողովի անդամի վկայական ունեցող անձինք (հատկապես պետ․աշխատողները) ցանկություն ունենալով ներգրավվել ՏԸՀ-ներում, մտավախություն ունեն, որ ՈՉ-ի կողմից ներկայացվելու դեպքում կարող են բախվել իրենց աշխատանքի հետ կապված խնդիրների։ Իշխանականների կողմից ՈՉ-ի թիրախավորումը, «նախկին կոռուպցիոն համակարգի» հետ կապելը այնպես է սրել իրադրությունը, որ մարդիկ նույնիսկ այսպիսի ապաքաղաքական, քարոզչությունից զերծ գործառույթ կատարելու մտավախություն են հայտնում։

Այսպիսով տեղեկացնում եմ, որ եթե ԼՀ կողմից լիցենզավորված տեղամասային ընտրական հանձնաժողովի անդամի վկայական ունեցող անձինք ստանան առաջարկ ներգրավվելու ՏԸՀ-ներում, ապա կուսակցությունը արգելքներ չի ստեղծի իրենց մասնակցության համար։ Դրա այլընտրանքը մեր կողմից լիցենզավորված անձանց մասնակցությունից զերծ պահելն էր, ինչը կարող էր դիտվել որպես հանրաքվեի կազմակերպչական գործընթացի տապալմանն ուղղված գործողություն, քանի որ ՈՉ-ի ներկայացվածությունը ընտրատեղամասում սահմանվում է օրենքով։ Այս հանրաքվեի նշանակումը անօրինական էր, բայց պրոֆեսիոնալ և անաչառ հանձնաժողովի անդամները պետք է հնարավորություն ունենան պատշաճ կազմակերպել տեղամասերում քվեարկության ընթացքը՝ հետևելով ընտրական օրենսգրքի պահանջների պահպանմանը»,- գրել է նա։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica