close
Եղանակը Երևանում
29 Մարտի 2020
+8°
+11°Ցերեկ
+7°Գիշեր
weather
close
Փոխարժեք
29 Մար 2020
USD1498.43
GBP1608.88
EUR1548.22
RUB16.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանը Եվրոպայում առաջին, իսկ աշխարհում երրորդ ամենառազմականացված երկիրն է. զգալիորեն առաջ է Ադրբեջանից

Քաղաքական

20 Փետրվարի 2020, 13:32
 Հայաստանը Եվրոպայում առաջին, իսկ աշխարհում երրորդ ամենառազմականացված երկիրն է. զգալիորեն առաջ է Ադրբեջանից

Բոննի կոնվերսիայի միջազգային կենտրոնը (BICC) երեկ՝ փետրվարի 19 ներկայացրել է միլիտարիզացիայի համաշխարհային ինդեքսի ամենամյա զեկույցը: Զեկույցը կազմվում է հաշվի առնելով ակտիվ ռազմական գործողություններին մասնակից լինելը, բնակչության թվաքանակի և զորքերի թվի հարաբերակցությունը, ռազմական ծախսերը և այլն:

Առաջին հորիզոնականում, ինչպես նախկիններում, շարունակում է զբաղեցնել Իսրայելը, որտեղ 9 մլն բնակչության պարագայում ակտիվ ծառայության մեջ է 169 հազար զինծառայող, իսկ 465 հազարն էլ պահեստում են:

Իսրայելին հաջորդում է Սինգապուրը, այնուհետև Հայաստանը, որը Եվրոպայում ամենառազմականացված երկիրն է: Հայաստանին հաջորդում են Կիպրոսը, Հարավային Կորեան, Ռուսաստանը, Հունաստանը, Հորդանանը, Բելառուսը և Ադրբեջանը: Նախորդ տարվա համեմատ բոլոր երկրները պահել են իրենց դիրքը, բացի Ադրբեջանից, ով 12-րդ հորիզոնականից հասել է 10-ի. այս մասին, Yerkir.am-ը տեղեկանում է bicc.de կայքից:

Ըստ Global Firepower-ի տվյալների՝ մոտ 3 մլն. բնակչություն ունեցող Հայաստանն ունի 45.000 ակտիվ զորք, իսկ պահեստային զորքերի թիվը կազմում է 200.000:

Իսկ Ադրբեջանը, որն, ըստ պաշտոնական տվյալների, ունի 10 մլն. բնակչություն (Ադրբեջանի բնակչության թվաքանակը բազմիցս է կասկածի տակ դրվել՝ ուռճացված լինելու պատճառով՝ խմբ.), ունի 126.000 ակտիվ և 300.000 պահեստային զորք:

Զեկույցում նշվում է, որ Արևելյան Եվրոպայի ռազմականացումը կապված է «ռուսական վտանգի» հետ: 6-րդ հորիզոնականում գտնվող ՌԴ-ն, բացի այդ, 2016-18 թթ. նվազեցրել է ռազմական ծախսերը՝ 82.6 մլրդ. դոլարից իջեցնելով 64.2 մլրդ. դոլարի:

BICC-ի զեկույցը վերաբերում է 154 երկրի: ԱՄՆ-ն զբաղեցրել է 31-րդ, Չինաստանը՝ 94, Թուրքիան՝ 19, Վրաստանը՝ 49, Իրանը՝ 24-րդ հորիզոնականը:

 

Ա. Եղիազարյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica