close
Եղանակը Երևանում
10 Ապրիլի 2020
+10°
+14°Ցերեկ
+4°Գիշեր
weather
close
Փոխարժեք
10 Ապր 2020
USD1493.10
GBP1612.97
EUR1536.59
RUB16.66
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Չինաստանից տարհանված ուկրաինացիները կբնակեցվեն պաշտոնյաների առանձնատներում. Զելենսկին սպառնացել է

Հասարակություն

18 Փետրվարի 2020, 17:04
 Չինաստանից տարհանված ուկրաինացիները կբնակեցվեն պաշտոնյաների առանձնատներում. Զելենսկին սպառնացել է

Ուկրաինայի նախագահ Վլադիմիր Զելենսկին Ազգային անվտանգության ծառայության նիստից հետո տեղի ունեցած ճեպազրույցի ժամանակ սպառնացել է Չինաստանից տարհանված ուկրաինացիներին անձամբ բերել այն քաղաքական գործիչների տներ, որոնք մարդկանց հորդորում են արգելափակել մարդկանց տեղակայումը առողջարաններում. գրում է korrespondent.net-ը, հայտնում է Yerkir.am-ը:

«Ես ուզում եմ դիմել մի քանի քաղաքական կուսակցությունների, որոնք ուղերձներ են հղում մարդկանց: Մենք այս տեղեկատվությունը ստացել ենք իրավապահ մարմինների միջոցով: Դիմում են մարդկանց, տեղի բնակիչներին և հրահրում են փողոցներ փակել: Եթե դուք փողոցներ փակեք, մենք մեր բոլոր քաղաքացիներին կբերենք նրանց առանձնատները»,- սպառնացել է Ուկրաինայի առաջնորդը:

Զելենսկիի խոսքով՝ որոշ լրատվամիջոցներ ապատեղեկատվություն են տարածել այն մասին, որ Չինաստանից տարհանվածներին տանում են «մի տեղ, որտեղ ամեն ինչ պատրաստ չէ դրա համար»:

Միևնույն ժամանակ նա շեշտել է նաև, որ վիրուսային սպառնալիքի հետ կապված իրավիճակը վերահսկողության տակ է:

Այդուհանդերձ Ուկրաինայում կարանտինի վայրը գաղտնի է պահվում: Հայտնի է միայն այն փաստը, որ նախատեսված է այնտեղ տեղավորել 100 ուկրաինացիների:  

Yerkir.am-ն ավելի վաղ տեղեկացրել էր, որ անհայտ տեսակի վիրուսի համաճարակը բռնկվել է 11 մլն բնակչություն ունեցող Ուհան քաղաքում: Որոշ ժամանակ անց, սակայն, այն տարածվել է նաև Չինաստանից դուրս մի շարք երկրներում, ինչը համաշխարհային խուճապի պատճառ է դարձել: Այս պահի դրությամբ COVID-2019 կորոնավիրուսի զոհերի թիվը Չինաստանում հասել է 1770-ի, իսկ վարակման հաստատված դեպքերի թիվը՝ 70 548-ի: 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica