close
Եղանակը Երևանում
6 Ապրիլի 2020
+12°
+13°Ցերեկ
+7°Գիշեր
weather
close
Փոխարժեք
6 Ապր 2020
USD1501.55
GBP1616.76
EUR1542.38
RUB16.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. Անիի Մայր տաճարում թուրք նախարարի կնոջ պահվածքը քննադատությունների է արժանացել

Տարածաշրջան

10 Փետրվարի 2020, 16:01
 ՏԵՍԱՆՅՈՒԹ. Անիի Մայր տաճարում թուրք նախարարի կնոջ պահվածքը քննադատությունների է արժանացել

Թուրքիայի գլխավոր ընդդիմադիր Հանրապետական-ժողովրդական կուսակցությունից նախկին պատգամավոր Բարըշ Յարքադաշը քննադատել է երկրի Մշակույթի և զբոսաշրջության նախարար Մեհմեթ Էրսոյի կնոջը՝ Փերվին Էրսոյին՝ Ինսթագրամում հրապարակած տեսանյութի համար. ըստ Yerkir.am-ի՝ հայտնում է gercekgundem.com կայքը:

Տեսանյութում Փերվինը Անիի Սուրբ Աստվածածին Կաթողիկե եկեղեցու խորանի վրա երգում էր ժամանակակից թուրքական էստրադային երգ, իսկ ներքևում գտնվողները նրան ձայնակցում և ծափ էին տալիս:

Յարքադաշը քննադատել է նախարարի կնոջն այն բանի համար, որ վերջին զվարճանում է այն ժամանակ, երբ ամբողջ երկիրը սգի մեջ է՝ կապված Վանում փետրվարի 6-ին տեղի ունեցած ձնահոսքի հետ, որի հետևանքով մահացավ 41 մարդ:

«ԱԶԿ անդամ, Զբոսաշրջության նախարար, ETS Տուր-ի սեփականատեր Մեհմեթ Էրսոյի կինը՝ Փերվին Էրսոյը Կարսի-Անի ավերակներում գտնվող պատմական եկեղեցում ընկերների հետ միասին երգում էր, զվարճանում, այն ժամանակ, երբ Վանում 38 մարդ մնացել է ձյան տակ…», - նշում է Յարքադաշը:

Էրսոյի փաստաբանները հայտարարել են, որ թեև իրենց գործատուն տեղյակ էր ձնահոսքի մասին, այնուհանդերձ այլևս անհնար է չեղարկել այցելությունը: Յարքադաշը չի նշել եկեղեցու հայկական լինելը, սակայն հավելել է, որ նման պահվածքը «դեմ է պատմական եկեղեցու ավանդույթներին և օրենքներին»:

Տեսանյութը հրապարակումից որոշ ժամանակ անց ջնջվել է: Փաստաբանները դատի են տվել Յարքադաշին, իսկ Փերվան Էրսոյը հեգնելով նշել է, որ «պարզապես ստուգում էր եկեղեցու  ակուստիկան»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica