close
Եղանակը Երևանում
27 Սեպտեմբերի 2020
+18°
+27°Ցերեկ
+16°Գիշեր
weather
close
Փոխարժեք
27 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երևանի ինֆեկցիոն հիվանդանոցում մեկուսացված Չինաստանի երկու քաղաքացիներից մեկը ջերմություն ունի

Հասարակություն

29 Հունվարի 2020, 16:56
 Երևանի ինֆեկցիոն հիվանդանոցում մեկուսացված Չինաստանի երկու քաղաքացիներից մեկը ջերմություն ունի

Երևանում Չինաստանի երկու քաղաքացու, որոնց թույլ չեն տվել հատել վրացական սահմանը, մեկուսացված են: Նրանցից մեկը, 37 աստիճան ջերմությամբ, տեղափոխվել է «Նորք» ինֆեկցիոն հիվանդանոց։ Ըստ Yerkir.am-ի՝ այս մասին տեղեկացրեց Հայաստանի առողջապահության նախարարության Հիվանդությունների վերահսկման եւ կանխարգելման ազգային կենտրոնի համաճարակաբանության եւ վարակիչ հիվանդությունների բաժնի պետ Լիանա Թորոսյանը:

«Չինացիներից մեկը, որի ջերմությունը 37 աստիճան էր, ռենտգենաբանական հետազոտություն է անցնում, որը ցույց կտա, թե արդյոք նրա մոտ թոքաբորբ կա, որը հաճախ առաջանում է կորոնավիրուսի ինֆեկցիայի ֆոնին։ Երկրորդ չինացու մոտ հիվանդության ոչ մի ախտանշան չկա, բայց նա նույնպես մեկուսացվել է»,- նշեց Թորոսյանը։

Հայաստանում այս պահին առկա չեն կորոնավիրուսի ախտորոշման համար լաբորատոր թեստեր, որոնք իրենցից ներկայացնում են ռեագենտներ պոլիմերազային շղթայական ռեակցիայի մեթոդով հետազոտությունների համար: Դրանք առայժմ հասանելի են Չինաստանում և հարևան երկրներում և Հայաստան կբերվեն առաջիկա 10 օրերի ընթացքում:

«Հնարավոր ամեն ինչ անում ենք թեստերը ստանալու համար: Հնարավորության դեպքում մենք դրանք կստանանք ԱՀԿ-ի եւ Ռուսաստանի հետ սերտ համագործակցության շնորհիվ»,- ասաց Լիանա Թորոսյանը:

Ներկա պահին, Հայաստանում հնարավորություն կա ախտորոշելու SARS-ը և կորոնավիրուսի մյուս տեսակները: 2019-nCoV կորոնավիրուսի կասկածանքի դեպքում, Հայաստանը հնարավորություն ունի նմուշներ ուղարկել Մեծ Բրիտանիայի, Գերմանիայի, Նիդեռլանդների կամ Ռուսաստանի լաբորատորիաներ, հավաստիացրեց մասնագետը:

Նշենք, որ մուտացիայի ենթարկված 2019-nCoV նոր կորոնավիրուսի զոհերի թիվը Չինաստանում հասել է 132 մարդու, հիվանդների ընդհանուր թիվը մոտ 6000 է։

Ի՞նչ է «իԳործ»-ը. մանրամասներ
26 Սեպտեմբերի 2020, 14:01 Ի՞նչ է «իԳործ»-ը. մանրամասներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica