close
Եղանակը Երևանում
19 Փետրվարի 2020
-2°
+5°Ցերեկ
-1°Գիշեր
weather
close
Փոխարժեք
19 Փտր 2020
USD1478.95
GBP1622.40
EUR1518.37
RUB17.51
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՀ ԱԳՆ-ի մասին արձանագրվել են ավելի շատ բացասական հոդվածներ. «Մեդիա պաշտպան»

Քաղաքական

29 Հունվարի 2020, 16:52
 ՀՀ ԱԳՆ-ի մասին արձանագրվել են ավելի շատ բացասական հոդվածներ. «Մեդիա պաշտպան»

2020 թ-ի հունվարի 11-ից 20-ը «Մեդիա պաշտպան» նախաձեռնությունը հետևել է առցանց մամուլում Հայաստանի Հանրապետության արտաքին գործերի նախարարությանն առնչվող հոդվածներին։ Մշտադիտարկվել է ներհայաստանյան 35 լրատվական կայք։

Նշված ժամանակահատվածում դիտարկվել է 131 հոդված, որոնցից 8-ը եղել է բացասական, 2-ը՝ դրական, 121-ը՝ չեզոք։

ՀՀ ԱԳՆ-ի մասին մշտադիտարկվող ժամանակահատվածում արձանագրվել են ավելի շատ բացասական, քան դրական հոդվածներ։

Ֆեյսբուքյան օգտատեր Արթուր Թովմասյանը նշել է, որ Նիկոլ Փաշինյանի այն հայտարարությունից հետո, թե Հայաստանը ՀՆԱ-ով առաջ է անցել Վրաստանից ու Ադրբեջանից, Վրաստանի էկոնոմիկայի նախարար Նաթիա Թուրնավան ասել է, որ ներկայացված թվերը սխալ են, քանի որ անտեսվել են տարրական մեթոդոլոգիական հարցերը։ Վրաստանի պատասխանից հետո, ըստ Թովմասյանի, մեր ԱԳՆ-ն լռել է, և որևէ արձագանք չի հետևել այս ամենին։

Հրապարակումներից մեկի համաձայն, լրատվականը հարցում է ուղարկել ՌԴ-ում ՀՀ դեսպանությանը, որտեղից պատասխանել են, որ հարցումը պետք է ուղարկվի ՀՀ ԱԳՆ մամուլի ծառայությանը։ Հրապարակման մեջ ասված է. «Պարզվում է, ՀՀ ԱԳՆ մամուլի ծառայությունը աշխատանքային նոր մոտեցում է որդեգրել՝ ՀՀ դեսպանություններն այսուհետեւ իրավասու չեն պատասխանել հայաստանյան լրատվամիջոցների հարցումներին, ավելին՝ արտերկիր գործուղված ՀՀ դեսպանները չեն կարող հարցազրույցներ տալ հայկական մամուլին: Այս նորամուծությունը խիստ հետաքրքրական է, եթե ոչ տարօրինակ, քանզի մինչև վերջին ժամանակները դեսպանություններ ուղարկված մեր հարցումներին տրվում էր պատասխան»:

Մեկ այլ վերլուծականի համաձայն, Մինսկի խմբի համանախագահները Ադրբեջանի հետ միասին խոսում են բանակցային սեղանին դրված կոնկրետ փաստաթղթի եւ օր առաջ «առարկայական բանակցություններ» սկսելու անհրաժեշտության մասին, իսկ ՀՀ ԱԳՆ-ն ծածկադմփոց է անում և հայտարարում, որ որևէ կոնկրետ փաստաթուղթ չկա։

Դագաղներ՝ կատուների համար
18 Փետրվարի 2020, 23:38 Դագաղներ՝ կատուների համար
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica