close
Եղանակը Երևանում
26 Փետրվարի 2020
+1°
+5°Ցերեկ
-3°Գիշեր
weather
close
Փոխարժեք
26 Փտր 2020
USD1478.39
GBP1619.28
EUR1520.92
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայում «երկրաշարժի համար» 50 հոգու նկատմամբ հետաքննություն է սկսվել

Տարածաշրջան

27 Հունվարի 2020, 15:35
 Թուրքիայում «երկրաշարժի համար» 50 հոգու նկատմամբ հետաքննություն է սկսվել

Անկարայի Գլխավոր հանրապետական դատախազությունը Էլազըղում (պտմ. Խարբերդ) տեղի ունեցած երկրաշարժից հետո սոցցանցերում «պրովոկացիոն գրառում» անելու մեղադրանքով 50 անձի դեմ հետաքննություն է սկսել. ըստ Yerkir.am-ի՝ հայտնում է gazetekarinca.com կայքը:

Դատախազության տարածած հայտարարության մեջ նշվում է, որ 50 օգտատեր սոցցանցերում «բնակչության մեջ տագնապ, վախ, անհանգստություն ստեղծող», «թուրք ազգին, Թուրքիայի Հանրապետության, պետական կառույցներին նվաստացնող» գրառումներ են կատարել:

Թուրքիայի Ներքին գործերի նախարար Սուլեյման Սոյլուն հունվարի 25-ին հայտարարել էր, որ հետաքննություն է սկսելու բոլոր նրանց նկատմամբ, ովքեր սոցցանցերում երկրաշարժի վերաբերյալ անպատասխանատու պահվածքով այլ երկրաշարժերի լուսանկարներ են հրապարակել:

Հետաքննություն է սկսվել նաև հայտնի թուրք դերասան Բերնա Լաչինի նկատմամբ: Լաչինը երկրաշարժից հետո Կարմիր մահիկի թուրքական բաժնի ղեկավար Քերեմ Քընըքի՝ SMS հաղորդագրությամբ օգնություն ցուցաբերելու կոչի մասին թվիթերում գրել էր. «Մենք կտանք ամենը, ինչ ունենք. դա առանձին է, բայց ինչու է դեռ նոր տեղի ունեցած երկրաշարժից հետո առաջին բանը, որ գալիս է մտքներին՝ փողն է…»:

Թուրքիայի Ռադիոյի և հեռուստատեսության բարձրագույն խորհուրդը (RTÜK) հայտարարել էր, որ հետաքննություն է սկսում «պրովոկացիոն մեկնաբանությունների և տեղեկությունների» համար:

Երկրի առաջնորդ Ռեջեփ Թայիփ Էրդողանն էլ հունվարի 26-ին, ի պատասխան երկրաշարժի ժամանակ իշխանությունների գործողությունների վերաբերյալ քննադատությունների, հայտարարել էր. «Ասում են՝ ինչ են արել իշխանությունները վերջին 20 տարում երկրաշարժերը կանխարգելելու համար: Մենք ունեի՞նք հնարավորություն կանխարգելել երկրաշարժը»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica