close
Եղանակը Երևանում
22 Փետրվարի 2020
+0°
+8°Ցերեկ
+0°Գիշեր
weather
close
Փոխարժեք
22 Փտր 2020
USD1478.35
GBP1617.79
EUR1517.05
RUB17.43
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Լավ չեմ պատկերացնում, թե որքանով այս ամենը կապ ուներ նախագահ Քոչարյանի հետ. Վիկտոր Սողոմոնյան

Իրավունք

23 Հունվարի 2020, 19:30
 ՏԵՍԱՆՅՈՒԹ․ Լավ չեմ պատկերացնում, թե որքանով այս ամենը կապ ուներ նախագահ Քոչարյանի հետ. Վիկտոր Սողոմոնյան

Լավ չեմ պատկերացնում, թե որքանով այս ամենը կապ ուներ նախագահ Քոչարյանի հետ, նրա գրասենյակի հետ, ինչն էր այդ մարդու մոտիվացիան: Այս մասին «Էրեբունի պլազա» հյուրանոցի մոտ լրագրողների հետ զրույցում նշեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը:

«Երբ կպարզվի, թե ինչում էր խնդիրը, որքանով դա կապ ուներ գրասենյակի հետ, ես անպայման կպարզաբանեմ»,-ասաց նա՝ նշելով, որ կրակոցների պահին գրասենյակում ոչ ոք չի եղել:

«Ես կգերադասեմ տեղեկությունները ամբողջացնել, եւ եթե այս միջադեպը մեզ հետ ինչ-որ կերպ առնչվում է, բնական է՝ ես կմեկնաբանեմ, հայտարարություն կտարածեմ: Հիմա որեւէ տեղեկություն չունեմ: «Էրեբունի պլազա»-ում գործում են բազմաթիվ հիմնարկներ, դրանցից մեկը նախագահ Քոչարյանի գրասենյակն է, որը գտնվում է 6-րդ հարկում»,-ասաց Սողոմոնյանը:

Դիտարկմանը, որ նշվում է, որ զինված անձը փնտրել է Քոչարյանի գրասենյակը, նա արձագանքեց. «Եթե ես լինեի շարքային քաղաքացի, գուցե ասեկոսեները մեկնաբանեի, բայց քանի դեռ չունեմ պաշտոնական տեսակետ, չեմ կարող ոչինչ ասել: Երբ կլինի իրադարձությունների նկարագիր, ես այդտեղից կկարողանամ պարզել, թե որքանով է այս իրադարձությունն առնչվում մեր գրասենյակին»:

Yerkir.am-ը ավելի վաղ տեղեկացրել էր, որ անհայտ անձն այսօր «Էրեբունի պլազա»-ի ուղղությամբ անկանոն կրակոցներ է արձակել: Նախնական տեղեկություններով զոհեր և վիրավորներ չկան: Դեպքի վայր էին ժամանել ՀՀ ԱԱԾ տնօրենի պաշտոնակատար Էդուարդ Մարտիրոսյանը և ՀՀ ոստիկանության պետի պաշտոնակատար Արման Սարգսյանը։ Զինված անձը վնասազերծվել և տեղափոխվել է Ոստիկանություն։

Եղանակը տաքանում է
21 Փետրվարի 2020, 17:46 Եղանակը տաքանում է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica