close
Եղանակը Երևանում
22 Սեպտեմբերի 2020
+21°
+27°Ցերեկ
+15°Գիշեր
weather
close
Փոխարժեք
22 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՕՄ-ը Կը Ձեռնարկէ Լիբանանի Անմիջական Օժանդակութեան Համար Նուիրահաւաք

Աշխարհ

18 Հունվարի 2020, 18:03
 ՀՕՄ-ը Կը Ձեռնարկէ Լիբանանի Անմիջական Օժանդակութեան Համար Նուիրահաւաք

Հոկտեմբեր 2019-ին սկիզբ առած Լիբանանի տնտեսական տագնապն ու քաղաքական անկայուն իրավիճակը մեծապէս ազդեցին լիբանանահայութեան բնականոն կեանքին վրայ:

Հայ օգնութեան միութեան Կեդրոնական վարչութիւնը, լրջօրէն հետեւելով իրադարձութիւններուն, չէր կրնար ձեռնպահ մնալ, հետեւաբար նոյեմբեր 2019-ին 5.000 ամերիկեան տոլար տրամադրեց Լիբանանահայ օգնութեան խաչին (ԼՕԽ)` տեղական ծրագիրներու հետեւողական եւ անընդմէջ ընթացքը ապահովելու համար:

Սակայն, կացութիւնը կը շարունակէ բարդանալ, եւ օժանդակութեան խնդրանքով ԼՕԽ-ին դիմող անհատներու քանակը օրէ օր կը բազմանայ: Կեդրոնական վարչութիւնը եւս 10.000 ամերիկեան տոլար տրամադրեց ԼՕԽ-ին եւ կոչ կ՛ուղղէ Ժողովուրդին մասնակցելու «Լիբանանի անմիջական օժանդակութիւն» խորագիրով նուիրահաւաքին: Նուիրատուութիւնները պիտի յատկացուին հետեւեալ 3 ծրագիրներուն.

. Պնակ մը կերակուր

Սոյն ծրագիրին ընդմէջէն, նուիրատուներ կրնան հովանաւորել ճաշի մատուցումը գաղութի 150 անհատներու/կարիքաւորներու: Առ ի գիտութիւն, նոյն ԼՕԽ-ի ծրագիրն է, որ տարիներէ ի վեր շաբաթը 2 օր տաք ճաշ կը մատուցէ կեդրոնին մէջ:

Ցարդ տիրող պայմաններուն տակ, 2 օրը նուազած է 1 օրուան: Կեդրոնական վարչութիւնը, ներկայ անհրաժեշտութիւնը առաջնահերթ նկատելով, վերահաստատեց ԼՕԽ-ի «Պնակ մը կերակուր»-ը շաբաթական 2 օր մատուցելու նախկին ընթացքը:

Գումար` 500 ամերիկեան տոլար/օրական 150 անհատներու (նկատի ունենալ 1000 ամերիկեան տոլար` շաբաթը երկու օրուան համար):

. Գոյատեւման պիտոյքներ

Սոյն ծրագիրին ընդմէջէն, կարիքաւորներու (որոնք արդէն ԼՕԽ-ին կ՛ապաւինին իրենց օրական դեղորայքին եւ ուտելիքին համար) պիտի յատկացուի մէկ ամսուան ուտեստեղէն, դեղորայք եւ բարեկեցիկ կեանք ապահովելու հիմնական պիտոյքներ:

Գումար` 250 ամերիկեան տոլար:

. Յոյսի արկղ

Սոյն ծրագիրին ընդմէջէն ընտանիքներու պիտի յատկացուի 1 ամսուան ուտեստեղէն:

Գումար` 150 ամերիկեան տոլար/իւրաքանչիւր ընտանիքի մէկ արկղ:

Սրտաբուխ որեւէ նուիրատուութիւն ընդհանուր ֆոնտին օգտակար կրնայ հանդիսանալ: Կեդրոնական վարչութիւնը, գործակցաբար ԼՕԽ-ին, սոյն նուիրատուութիւնները պիտի յատկացնէ հոն, ուր կարիքը անմիջական է:

Բոլորիս պարտականութիւնն է նեցուկ կանգնիլ լիբանանահայութեան` օժանդակելու գաղութի մը, որ անցնող տասնամեակներուն իր կառոյցներով, վարժարաններով, մշակութային կեդրոններով եւ կազմակերպութիւններով եղաւ հայապահպանման տիտաններէն մին` մասնակցելով աշխարհասփիւռ ծրագիրներու իրագործման հայրենիքի եւ սփիւռքի տարածքին:

Կոչ կ՛ուղղենք հանրութեան օգնութեան ձեռք երկարելու լիբանանահայ մեր հարազատներուն, որպէսզի կարենանք միասնաբար կեանք մը փոխել եւ ժպիտ բերել հայ մանուկին, պատանիին, երիտասարդին ու տարեցին:

Նուիրատուութիւնները կատարելու համար դիմել գաղութի ՀՕՄ-ի միաւորին կամ այցելել հետեւեալ կայքը:

aztagdaily.com

Հայտնաբերվել է չպայթած ական
22 Սեպտեմբերի 2020, 20:11 Հայտնաբերվել է չպայթած ական
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica