close
Եղանակը Երևանում
1 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
1 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԱԿ-ի Ընդհանուր Քարտուղարի Ներկայացուցիչը Այցելեց Բագրատունիի. Հանդիպում Ժըպրան Պասիլի Հետ

Սփյուռքի ձայնը

17 Հունվարի 2020, 16:54
 ՄԱԿ-ի Ընդհանուր Քարտուղարի Ներկայացուցիչը Այցելեց Բագրատունիի. Հանդիպում Ժըպրան Պասիլի Հետ

ՄԱԿ-ի ընդհանուր քարտուղարի ներկայացուցիչ Իան Քիւպիչ այցելեց ՀՅԴ Լիբանանի Կեդրոնական կոմիտէի ներկայացուցիչ Յակոբ Բագրատունիի, «Շաղզոյեան» կեդրոնին մէջ:

Մէկ ժամ տեւած հանդիպումին ընթացքին քննարկումի նիւթ դարձան շրջանային անցուդարձերը, Լիբանանի կառավարական տագնապը եւ երկրին դիմագրաւած տնտեսական ու ընկերային դժուարութիւնները:

Բագրատունի անհրաժեշտ նկատեց կառավարութեան անմիջական կազմութիւնը եւ յոյս յայտնեց, որ նոր կառավարութիւն մը, մասնագէտներէ բաղկացած, կրնայ կազմուիլ յառաջիկայ 48 ժամուան ընթացքին` միաժամանակ դիտել տալով, որ նման կարելիութեան մը դիմաց միջազգային ընտանիքը պարտի իր խոստումները յարգել Լիբանանի նկատմամբ, մանաւանդ երբ առաջարկուած բարեկարգումները դառնան նորակազմ կառավարութեան առաջնահերթութիւն:

Քննարկուեցաւ նաեւ ժողովուրդի ընկերային վիճակին հետ առնչուող տագնապը եւ անկէ դուրս գալու համար միջազգային ընտանիքին զօրակցութեան առաջնահերթութիւնը:

ՄԱԿ-ի ընդհանուր քարտուղարի ներկայացուցիչը, բաժնելով արծարծուած մտահոգութիւնները, դրական նկատեց ՀՅ Դաշնակցութեան եւ Հայկական երեսփոխանական պլոքի դերակատարութիւնը լիբանանեան քաղաքական թատերաբեմին վրայ եւ այն հոգածութիւնը, որ կը ցուցաբերէ համայնքի ղեկավարութիւնը հայ քաղաքացիներուն նկատմամբ` յոյս յայտնելով որ կառավարութեան կազմութիւնը դրական նշաններ կու տայ միջազգային ընտանիքին համար:

Հանդիպում Ժըպրան Պասիլի Հետ

Առաւօտեան, երեսփոխան Բագրատունի երկարատեւ հանդիպում մը ունեցաւ Ազգային ազատ հոսանք կուսակցութեան նախագահ Ժըպրան Պասիլի հետ, որուն հետ քննարկեց կառավարութեան կազմութեան հարցը:

Ան անհրաժեշտ նկատեց, որ այսուհետեւ ընդունելի չեն ձգձգումները, եւ ոչ մէկ քաղաքական կամ համայնքային ղեկավարութիւն իրաւունք ունի պաշտօններու կամ չափաբաժինի համար արգելակելու կառավարութեան կազմութիւնը` միաժամանակ հաստատելով, որ ՀՅ Դաշնակցութիւնը, մեկնելով Լիբանանի եւ լիբանանցի ժողովուրդին տագնապալի կացութենէն, ամէն դիւրութիւն կ՛ընծայէ վարչապետին արագօրէն կազմելու կառավարութիւնը` շեշտելով, որ կառավարութեան կազմութիւնը սոսկ սկիզբն է երկարատեւ պայքարի մը` իրականացնելու անհրաժեշտ բարեկարգումներ, քանդելու փտածութեան հիմերը, քաղաքացիին վերադարձնելու պետութեան հանդէպ վստահութիւնը եւ լրջօրէն որոնելու հիմնական լուծումներ` դուրս գալու տնտեսական եւ ընկերային հետզհետէ սաստկացող տագնապէն:

aztagdaily.com

HIGH FEST-ը հետաձգվում է...
30 Սեպտեմբերի 2020, 23:18 HIGH FEST-ը հետաձգվում է...
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica