close
Եղանակը Երևանում
1 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
1 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ադրբեջանում անհանգստացած են ՌԴ նոր վարչապետի՝ հայ լինելու փաստից

Աշխարհ

17 Հունվարի 2020, 12:25
 Ադրբեջանում անհանգստացած են ՌԴ նոր վարչապետի՝ հայ լինելու փաստից

Երեկ ՌԴ նախագահ Վլադիմիր Պուտինի կողմից վարչապետի պաշտոնում նախկին նախագահ և վարչապետ Դմիտրի Մեդվեդևի փոխարեն նշանակվեց տնտեսագետ, Դաշնային հարկային ծառայության ղեկավար Միխայիլ Միշուստինը: Միշուստինի թեկնածության մասին լուրերից հետո համացանցի՝ մասնավորապես հայկական և ադրբեջանական տիրույթում սկսեց տարածվել նորանշանակ վարչապետի հայկական արմատներ ունենալու մասին խոսակցություններ:

Ադրբեջանի ԱԳՆ նախկին ղեկավար Թոֆիգ Զյուֆյուգարովը (Հեյդար Ալիևի օրոք՝ 1998-1999 թթ.) իր ֆեյսբուքյան էջում անդրադարձել է Russia Today հեռուստաընկերության և միջազգային գործակալության, Sputnik միջազգային լրատվական գործակալության գլխավոր խմբագիր Մարգարիտա Սիմոնյանի թվիթերյան գրառմանը: «Ռուսաստանի ճակատագիրը կախված է նրանից, թե ինչքան կլինի մեր թվաքանակը», - գրել էր Սիմոնյանը:

Ադրբեջանցի նախկին պաշտոնյան, գուցե կանխամտածված կամ հիմարորեն, այլ կերպ է արձագանքել այս գրառմանը: Կարծելով, որ «մեր թվաքանակ» արտահայտությունը նշանակում է հայերի թվաքանակը՝ կապված կառավարությունում երկու հայի՝ Միշուստինի և ԱԳՆ ղեկավար Սերգեյ Լավրովի ծագման հետ, ադրբեջանցի գրում է. «Հայերը կազմում են ՌԴ բնակչության 0.89 %-ը: Եթե Միշուստինը դառնա վարչապետ (գրառումը կատարելու ժամանակ դեռ չէր ընտրվել՝ խմբ.), իսկ Լավրովը պահպանի ԱԳՆ ղեկավարի պաշտոնը, ապա կստացվի, որ կառավարությունը կա 2 էթնիկ հայ»:

Իրականում Մարգարիտա Սիմոնյանն այդ թվիթն արել էր այն ժամանակ, երբ դեռ նույնիսկ Մեդվեդևը չէր հայտարարել կառավարության հրաժարականի մասին, իսկ Պուտինն իր ելույթի մի հատվածում անդրադառնում էր Ռուսաստանի դեմոգրաֆիական խնդիրներին և Սիմոնյանի՝ «մեև թվաքանակ» արտահայտությունը վերաբերում է ՌԴ բնակչությանը:

Ինչ վերաբերում է Միշուստինին, ապա վերջինս իրոք ունի բավական մտերիմ հարաբերություններ Հայաստանի և հայերի հետ: 2019 թ. հոկտեմբերին Երևանում WSIT-ի շրջանակում ՌԴ վարչապետն այցելել էր Հայաստան, եղել «Այբ» դպրոցում:

Ֆեյսբուքյան օգտատեր, քրդագետ Կարեն Հովհաննիսյանը, անդրադառնալով ադրբեջանական արձագանքին, գրում է. « Միխայել Միշուստինի մայրական կողմից հայ լինելու մասին ինֆոն այս պահին ինֆարկտի է հասցնում ադրբեջանցի օգտատերերին»:

HIGH FEST-ը հետաձգվում է...
30 Սեպտեմբերի 2020, 23:18 HIGH FEST-ը հետաձգվում է...
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica