close
Եղանակը Երևանում
28 Փետրվարի 2020
+0°
+9°Ցերեկ
+0°Գիշեր
weather
close
Փոխարժեք
28 Փտր 2020
USD1478.49
GBP1617.20
EUR1523.13
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Շառ ու փորձանքից հեռու. ՔՊ-ի խնջույքին արգելված է եղել նկարահանումն ու «լայվ» մտնելը. մանրամասներ. «Իրատես»

Մամուլի տեսություն

17 Հունվարի 2020, 09:28
 Շառ ու փորձանքից հեռու. ՔՊ-ի խնջույքին արգելված է եղել նկարահանումն ու «լայվ» մտնելը. մանրամասներ.  «Իրատես»

«Իրատես» թերթը գրում է. «Հունվարի 14-ին իշխող «Քաղաքացիական պայմանագիր» կուսակցությունը ընդլայնված կազմով խնջույք է կազմակերպել: Ներկա է եղել կուսակցության վերնախավը՝ վարչապետ Նիկոլ Փաշինյանի, Ազգային ժողովի նախագահ Արարատ Միրզոյանի, նախարարների ու մարզպետների մակարդակով:

Քեֆ-ուրախությանը մասնակցել են նաեւ կուսակցության տարածքային կառույցների ներկայացուցիչները: «Ամեն մեկն իր աթոռի գումարն է տվել: Ներկա են եղել բոլոր նրանք, որոնք ցանկություն են ունեցել մասնակցելու, պարտադիր պահանջ չի եղել: «Իմ քայլի» պատգամավորներից ոմանք, օրինակ, բացակայել են»,- ասաց «Իրատեսի» աղբյուրն ու հավելեց՝ կուսակցության միջոցառմանն ամենաակտիվը մարզպետներն են եղել:

Facebook սոցիալական ցանցում նրանցից մեկն օղու բաժակները ձեռքին լուսանկար էր հրապարակել ու վերտառել. «Ծառայում ենք Հայաստանին, Արցախին ու ժողովրդին»: Գերազանց կլիներ, որ գրառման ոգով իսկապես ծառայեին պետությանն ու ժողովրդին, բայց մի-մի բաժակ խմելուց, այնուհետ օղու բաժակները ձեռքներին լուսանկար հրապարակելուց հետո անլրջանում են նրանց թե՛ խոսքը, թե՛ խոստումը:

Պետությունը բաժակ բաժակի խփելով չեն սիրում, պետության բարօրությունը կենաց ասելով չեն ապահովում, մարդկանց նման լուսանկարներ հրամցնելով չեն ծառայում: Թե ինչ փոփոխություններ են եղել մարզերում անցած մեկուկես տարում, կարող է վկայել մարզաբնակ յուրաքանչյուր քաղաքացի, «դուխով» ելույթներն ու «դոբրիի մեջ» լուսանկարները մարդկանց կյանքը չեն բարելավելու:

Ի դեպ, երեկոյի ընթացքում արգելված են եղել տեսանկարահանումն ու «լայվ» մտնելը. մեծ պաստառի վրա փակցված են եղել դրանք արգելող նկարներ: «Պետք չէր, որ ուղիղ եթեր մտնեին ու տեսնեին քեֆ-ուրախության կադրերը կամ գինովցած պաշտոնյաներին: Հնարավոր է՝ այնպիսի մեկնաբանություններ լինեին, որ կարող էին շահարկման տեղիք տալ: Դրա համար որոշել էինք՝ հեռու «լայվից», շառից ու փորձանքից: Որեւէ մեկը Facebook-յան ուղիղ եթեր չի մտել, իսկ տեսանկարահանում արել են, թե ոչ, չենք կարող ասել»,- անկեղծացավ մեր զրուցակիցը»:

Մանրամասները՝ թերթի այսօրվա համարում։

Քաղաքական կորոնավիրուս
27 Փետրվարի 2020, 22:27 Քաղաքական կորոնավիրուս
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica