close
Եղանակը Երևանում
29 Փետրվարի 2020
+1°
+11°Ցերեկ
+1°Գիշեր
weather
close
Փոխարժեք
29 Փտր 2020
USD1478.60
GBP1617.68
EUR1528.57
RUB17.09
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մարդիկ կամաց-կամաց դուրս են գալիս էյֆորիայից և սկսում հասկանալ խնդրի էությունը. Մանվել Գրիգորյանի փաստաբան

Իրավունք

16 Հունվարի 2020, 22:53
 Մարդիկ կամաց-կամաց դուրս են գալիս էյֆորիայից և սկսում հասկանալ խնդրի էությունը. Մանվել Գրիգորյանի փաստաբան

«Նրան պետք չէր կալանավորել, որովհետև պրակտիկան ցույց էր տալիս, որ այդ հոդվածներով մեղադրվողները գտնվել են ազատության մեջ, նրանց նկատմամբ կիրառվել են այլընտրանքային միջոցներ: Մ. Գրիգորյանի դեպքն արտառոց էր»,- Yerkir.am-ի հետ զրույցում ասաց Մանվել Գրիգորյանի փաստաբան Արսեն Մկրտչյանը:

Փաստաբանը պնդում է, որ Մանվել Գրիգորյանի հանդեպ տեղի է ունեցել քաղաքական հետապնդում, որին իրենք հետո, երբ նա առողջանա, կանդրադառնան հակընդդեմ հայցով։

«Մեզ համար առաջնայինը գեներալի առողջական խնդիրն է, մենք խնդիրները կարևորել ենք հետևյալ կերպ՝ առողջություն, բարոյականություն, հետո նոր իրավաբանություն: Ցավոք, առաջին հարթության վրա մենք տանուլ ենք տալիս, գեներալի վիճակը շատ վատ է», - արձանագրեց նա:

Արսեն Մկրտչյանը համոզված է, որ բարոյահոգեբանական դաշտում սառույցը շարժվել է, մարդիկ կամաց-կամաց դուրս են գալիս էյֆորիայից և սկսում հասկանալ խնդրի էությունը.

«Կարող եմ ասել, որ բարոյահոգեբանական դաշտում մեծ առաջընթաց կա, հանրային շրջանում սառույցը հալվում է: Դուք լավ գիտեք, որ սոցցանցերում ու փողոցում ակտիվ է միայն այն մասան, որը դեմ է գեներալին և փորձում է մեծամասնություն կազմել, այնինչ՝ նրա համակիրները դեռ չեն խոսում, մանավանդ սոցցանցերում չեն հայտնում իրենց կարծիքները: Մեզ համար, իրոք, շատ դժվար է: Իսկ իրավական հարթությունն իրենից բարդույթ չի ներկայացնում, դրանով կզբաղվենք, երբ ժամանակը գա»:

Մանվել Գրիգորյանի փաստաբանը փոխանցեց նաև, որ այս պահի դրությամբ առաջադրված մեղադրանքներից որևէ մեկը չի հաստատվել.

«Ես ավելի քան վստահ եմ, որ դատավարության ընթացքում մեղադրանքների ծավալները կա՛մ փոփոխության կենթարկվեն, կա՛մ կվերացվեն»,-պարզաբանեց փաստաբանը:

Թե Մանվել Գրիգորյանի առողջական վիճակի վրա ի՞նչ ազդեցություն է թողել ընկերների վերաբերմունքը՝ փաստաբանը խուսափեց հստակ մեկնաբանություն տալուց՝ բացատրելով, որ ինքը չի կարող որակումներ տալ այն մարդկանց, ովքեր Մ. Գրիգորյանի հետ անցած ճանապարհ ունեն։

«Չեմ ուզենա այդ հարցը մեկնաբանել: Մ. Գրիգորյանը քանի դեռ կալանքի մեջ է, բոլոր ընկերների՝ թե՛ մանկական, թե՛ մարտական, պատասխանատվությունը կրում եմ ես: Երբ Աստծո հաջողությամբ կազդուրվի, իր ընկերների հետ իր հարցերը կլուծի: Նրա ընկերների հետ հարաբերությունն այն դաշտն է, որտեղ, ներողություն արտահայտությանս համար, բայց ես չեմ տեղավորվում: Երբ այդ մարդիկ ընկերություն են արել, մենք իրենց կողքին չենք եղել, և չենք կարող նրանց ճանաչել, հետևաբար՝ չենք էլ կարող որևէ մեկին որակում, տալ: Մեզ չի սազում, որ մենք քննարկենք մարդկանց, որոնք մեզանից առաջ իրար հետ ապրած կյանք ունեն», - նշեց նա:

Ի տարբերություն մյուսների, Մանվել Գրիգորյանը երբեք մանր վրեժխնդրությամբ չի տառապել՝ փաստաբանի կարծիքն է: Ըստ նրա՝ ուժեղները միշտ մեծ սիրտ են ունենում. «Նրա մեծությունը թույլ չի տալիս, որ ես նրա անցած ճանապարհին հայտնված ընկերներին որևէ որակում տամ: Բոլորն էլ կարող ենք սխալվել կամ այնպիսի արտահայտություններ անել, որոնք ճիշտ չընկալվեն հանրության կողմից»,- եզրափակեց Արսեն Մկրտչյանը:

Գևորգ Գյուլումյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica