close
Եղանակը Երևանում
18 Հունվարի 2020
-6°
+1°Ցերեկ
-7°Գիշեր
weather
close
Փոխարժեք
18 Հնվ 2020
USD1479.61
GBP1626.18
EUR1533.71
RUB17.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԵՐ ԱՌԱՔԵԼՈՒԹԻՒՆՆ Է ՄԻԱՑՆԵԼ ԱԶԳԸ ՄԵՐ ԱԶԳԱՅԻՆ ԳԵՐԱԳՈՅՆ ՇԱՀԵՐՈՒՆ ՇՈՒՐՋ

Հարթակ

12 Դեկտեմբերի 2019, 09:43
 ՄԵՐ ԱՌԱՔԵԼՈՒԹԻՒՆՆ Է ՄԻԱՑՆԵԼ ԱԶԳԸ ՄԵՐ ԱԶԳԱՅԻՆ ԳԵՐԱԳՈՅՆ ՇԱՀԵՐՈՒՆ ՇՈՒՐՋ

«Ես այսօր կ՚ուզեմ պաշտօնապէս ըսել, որ մենք պատրաստ ենք այլազան տիպի համագործակցութեան, և եթէ վարչապետը ունի յատուկ օրակարգ քննելու մեր հետ, իր կոչերը չեն մնար անարձագանգ։» 

Յակոբ Տէր Խաչատուրեան
ՀՅԴ Բիւրոյի Ներկայացուցիչ

Ի սրտէ կ՚ողջունեմ ՀՅԴ Բիւրոյի Ներկայացուցիչ ընկերոջ քաղաքական իմաստուն և պարտաւորեցնող ժեստը։ Ընկերը կը խօսի յանուն Դաշնակցութեան և յանուն իւրաքանչիւր դաշնակցական ընկերոջ առանց բացառութեան։ Եւ հոս դրուած է մեր կուսակցութեան հայրենական գործի վարդապետութիւնը։ 

Մենք, որպէս արտախորհրդարանական ընդդիմութիւն, եկած ենք ըսելու, որ չենք տպաւորուած այն ժամանակաւոր իրողութեանբ, որ ամբոխային ալեկոծութեամբ իշխանութեան եկած Իմ-Քայլական կառավարութիւնն ու խորհրդարանը ներկայիս կը վայելէ մեծամասնական իրաւունքներ։ Կը յարգենք իրենց օրինական հանգամանքը, քանի որ կը յարգենք ՀՀ Սահմանադրութիւնը, որուն գլխաւոր ճարտարապետը մենք ենք։ Եւ անշուշտ անհեթեթ կը համարենք ՀՀ Վարչապետին և Իմ-Քայլական իր խարիսխին այն յաւակնութիւնը, որ Դաշնակցութիւնը դուրս դրուած է ՀՀ քաղաքական դաշտէն։ 

Դաշնակցութիւնը իր գոյութեան 129 տարիներու ցենզով հոս է և պիտի շարունակէ հոս ըլլալ բոլոր եկող-գացող քաղաքական ուժերուն հետ հաշուի նստելէ առաջ և ետք։ Այսօր, մեր երկիրը կը դիմագրաւէ ճակատագրական մարտահրաւէրներ և պէտք ունի հզօր միասնականութեան։ ՀՅԴ Բիւրոյի Ներկայացուցիչը կը յայտարարէ, որ Դաշնակցութիւնը -- որպէս արտախորհրդարանական ընդդիմութիւն -- պատրաստ է մաս կազմելու պատմական այդ միասնականութեան։ Քաջ գիտնալո՛վ ՝ որ առանց ազգային այդ համաձայնութեան ազգը ի վիճակի չէ ընդառաջ երթալու ներկայի ներքին և արտաքին սպառնալիքներուն։ 

Բայց այդ միասնականութեան նախաձեռնութիւնը պէտք է գայ իշխանութենէն։ Եւ որքան իշխանութիւնը հրահրէ քաղաքական դաշտի բևեռացումը, այնքան աւելի պիտի կոտորակուի քաղաքական դաշտը և այնքան աւելի ուժականութեամբ ծնունդ պիտի տայ հակաբևեռներու...Մենք այն ընդդիմութիւնն ենք, որ կը մերժէ հակաբևեռ հանդիսանալ երկրի իշխանութեան, երբ պատերազմի մէջ է երկիրը։ Մեր առաքելութիւնն է միացնել ազգը մեր ազգային գերագոյն շահերուն շուրջ։ ՀՅԴ ընդդիմութիւնը կը գործէ մեր ազգային միասնականութեան դատին համար։ Այս նշանաբանը այլընտրանք չունի։ Եւ Դաշնակցութիւնը կը հրաւիրէ ՀՀ Վարչապետը առաջնորդող դեր ստանձնելու այդ պատմական գործին մէջ։ Ընտրութիւնը ձերն է, Պր. Վարչապետ։Մենք մեր ազգային անկախ պետականութեան անկեղծ զինուորն ենք և պիտի մնանք այժմ և միշտ և յաւիտեան։ Եւ մեր երթը կանգ պիտի չառնէ։

Կարօ Արմենեան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica