close
Եղանակը Երևանում
25 Հունվարի 2020
-4°
+0°Ցերեկ
-7°Գիշեր
weather
close
Փոխարժեք
25 Հնվ 2020
USD1478.87
GBP1626.79
EUR1528.43
RUB17.75
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գրականության ոլորտում Նոբելյան մրցանակի դափնեկրի շուրջ կրքերը չեն հանդարտվում

Աշխարհ

11 Դեկտեմբերի 2019, 11:28
 Գրականության ոլորտում Նոբելյան մրցանակի դափնեկրի շուրջ կրքերը չեն հանդարտվում

Երեքշաբթի Շվեդիայի մայրաքաղաք Ստոկհոլմում տեղի ունեցավ Գրականության ոլորտում նոբելյան մրցանակի հանձնման արարողությունը, որին արժանացավ ավստրիացի գրող Փեթեր Հանդքեն:

Մրցանակաբաշխությունը տեղի ունեցավ բողոքի ակցիաների ֆոնին: Թուրքիան, Բոսնիան, Ալբանիան, Կոսովոն բոյկոտել են արարողությունը: Կոսովոյի ԱԳՆ ղեկավար Բեգջեթ Պակոլլին Շվեդիայում դեսպանին հանձնարարել էր բոյկոտոել արարողությունը: Ալբանիայի ԱԳ նախարարի ԺՊ Գենտ Կակայը նշել էր, որ Հարավսլավիայի փլուզման ժամանակ տեղի ունեցած դաժան պատերազմների արդարացումները չպետք է պարգևատրվեն: Բոսնիական արմատներով շվեդ գրող Ադնան Մահմուտովիչը Ստոկհոլմում կազմակերպել է բողոքի ակցիա: Ըստ նրա՝ այս որոշումը «ցեղասպանության շարունակման» քայլ է:

Խնդիրն այն է, որ Հանդքեն 1990-ական թվականներին Հարավսլավիայում բռնկված պատերազմի ժամանակ հանդես է եկել պրոսերբական դիրքորոշմամբ: Բացի այդ, գրողին քննադատում են Սրեբրենիցայի դեպքերը որպես ցեղասպանություն չորակելու համար:

Ըստ տարբեր տվյալների՝ այդ ժամանակ սպանվել էր մոտ 8000 բոսնիացի մուսուլման: Ցեղասպանություն և պատերազմական հանցագործություններ իրագործելու մեջ մեղադրվում էր Սերբիան և նրա նախկին նախագահ Սլոբոդան Միլոշևիչը: Սակայն միջազգային հանրության մոտ այդ դեպքի վերաբերյալ դիրքորոշումը միանշանակ չէ. ոմանք դա համարում են ցեղասպանություն, ոմանք էլ երկիրը ՆԱՏՕ-ի գործողությունների հետևանքով փրկելուն ուղղված քայլ:

Ինչ վերաբերում է Հանքեին, ապա գրողը նշում է, որ բոսնիացի մուսուլմանները իրենք են իրականացրել մասսայական սպանություններ Սարաևոյում, իսկ հետո էլ մեղադրել են սերբերին: Հանդքեն նաև կասկածի տակ է դնում հազարավոր մուսուլմանների սպանությունների փաստը և կոչ անում այլևս չհամեմատել Միլոշևիչին Հիտլերի հետ:

Yerkir.am-ն արդեն տեղեկացրել էր, որ Թուրքիայի նախագահ Ռեջեփ Թայիփ Էրդողանը նույնպես քննադատել էր Հանդքեին մրցանակ հանձնելու որոշումը՝ նշելով, որ այն կորցրել է իր արժեքը:

Եղանակն՝ առաջիկա օրերին
25 Հունվարի 2020, 09:22 Եղանակն՝ առաջիկա օրերին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica