close
Եղանակը Երևանում
22 Սեպտեմբերի 2020
+21°
+27°Ցերեկ
+15°Գիշեր
weather
close
Փոխարժեք
22 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. Հայոց ցեղասպանության օրինագիծը Սենատում դարձյալ արգելափակվել է

Աշխարհ

6 Դեկտեմբերի 2019, 12:11
 ՏԵՍԱՆՅՈՒԹ. Հայոց ցեղասպանության օրինագիծը Սենատում դարձյալ արգելափակվել է

ԱՄՆ դեմոկրատ սենատոր Ռոբերտ Մենենդեզը մտադրություն ունի ամեն շաբաթ քվեարկության առաջադրել Հայոց ցեղասպանության օրինագիծը մինչև դրա հաստատվելը: Այս մասին հայտարարել է սենատորն այն ժամանակ, երբ Կապիտոլիումի բարձունքին փաստաթուղթը օրակարգ բերելու փորձը դարձյալ կասեցվել է. Yerkir.am-ին հայտնում են ԱՄՆ Հայ դատի հանձնախմբից:

Ինչպես նախորդ ամիս երկու անգամ, այս պարագայում էլ մեկ սենատոր վետոյի իրավունքով արգելափակել է 150 համարի օրինագծի հաստատումը։ Ընթացակարգի համաձայն՝ Մենենդեզին անհրաժեշտ էր օրենսդիրների ամբողջական համաձայնությունը, որովհետև օրենքը նախատեսում է մեկ օրենսդիրի միջոցով արգելափակելու իրավունքը։

Հանձնախմբից տեղեկացնում են, որ այս անգամ օրենքի նախագծին դեմ է արտահայտվել Հյուսիսային Դակոտայ նահանգի սենատոր Քևին Քրամերը։ Սակայն այս դեպքում հատկանշական է այն փաստը, որ վերջինս իր ելույթում տեղի ունեցածը բնութագրում էր Ցեղասպանություն։ Քրամերը, հղում անելով երեկ՝ դեկտեմբերի 5-ին, Լոնդոնում ՆԱՏՕ-ի գագաթնաժողովի շրջանակում ԱՄՆ նախագահ Դոնալդ Թրամփի և Թուրքիայի նախագահ Ռեջեփ Թայիփ Էրդողանի հանդիպմանը, հայտարարություն է տարածել այն մասին, թե տվյալ իրադրությունում օրենքի նախագծի հաստատումը տեղին չէ՝ այն ժամանակավրեպ է:

Իր ելույթում նա, մասնավորապես, նշել է. «Ես կողմ եմ այս բանաձևի ոգուն ու վստահ եմ, որ իմ 99 մյուս գործընկերները ևս համամիտ են այս բանաձևի հետ: Մենք կարող ենք այն անցկացնել, սակայն հարցն այն է, թե ե՞րբ է պետք դա անել: Իմ կարծիքով այժմ հաստատ դրա ժամանակը չէ»:

Միաժամանակ Քրամերի պնդմամբ՝ Թրամփը Ռեջեփ Էրդողանի հետ այլ առանցքային նշանակությամբ խնդիրների, այդ թվում՝ Թուրքիային ռուսական հրթիռներ տրամադրելու հարցի հետ մեկտեղ քննարկել է նաև Հայոց ցեղասպանության թեման։ Քրամերի ելույթի առիթով խոր հիասթափություն հայտնելով`Մենենդեսը հիշեցրել է, որ ավելի վաղ այս սենատորը աջակցում էր հայկական օրինագծերին, բայց և այնպես, այժմ հակասական ելույթներ է ունենում:

Իր խոսքում սենատորը սենատորը նշել է. «Արդյոք մենք ճանաչում ենք Ցեղասպանությունը, որը տեղի է ունեցել, թե պետք է թույլ տանք, որ Թուրքիայի նման երկիրը որոշի մեր սեփական հայացքները, պատմության ընկալումը, բարոյական պարտավորություններն ու հանրային կարծիքը», ու հավելել. «Հայոց ցեղասպանությունը տեղի է ունեցել և դա փաստ է: Այն ժխտելը նշանակում է ժխտել ամենասարսափելի պատմական ոճրագործություններից մեկը»:

Դեմոկրատ սենատորին միացել է իր հանրապետական գործընկեր, սենատոր Թեդ Քրուզը, ով շեշտել է՝ Հայոց ցեղասպանությունն անհերքելի փաստ է, և ԱՄՆ-ը բարոյական պարտավորություն ունի անմեղ զոհերի հիշատակի առջև:

Քրուզը քննադատել է Թուրքիայի ներկայիս վարած քաղաքականությունն ու վստահեցրել, որ ճանաչումը որևէ բացասական հետևանք չի ունենա ԱՄՆ-Թուրքիա հարաբերությունների վրա:

«ՆԱՏՕ-ի անդամ 12 երկրներում Ցեղասպանությունն արդեն ճանաչված է։ Այո՚, Թուրքիան ՆԱՏՕ-ի դաշնակից է, բայց դաշնակիցները պետք է ասեն ճշմարտությունը միմյանց»,-  կարծիք է հայտնել Քրուզը:

Հավելվում է, որ սենատոր Ռոբերտ Մենենդեզը հնարավորություն ունի Հայոց ցեղասպանության 150 համարի օրինագիծը քվեարկության առաջադրել նաև մյուս շաբաթ, այնուհետև Սենատը կմեկնի ամանորյա արձակուրդի։

Հայտնաբերվել է չպայթած ական
22 Սեպտեմբերի 2020, 20:11 Հայտնաբերվել է չպայթած ական
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica