close
Եղանակը Երևանում
4 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
4 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պուտինի ու Զելենսկիի հանդիպումը չի բացառվում. Ուկրաինայի փոխվարչապետ

Աշխարհ

3 Դեկտեմբերի 2019, 11:08
 Պուտինի ու Զելենսկիի հանդիպումը չի բացառվում. Ուկրաինայի փոխվարչապետ

Ուկրաինայի փոխվարչապետ Դմիտրի Կուլեբան հայտարարություն է տարածել այն մասին, որ Փարիզում կայանալիք նորմանդական գագաթնաժողովի շրջանակում բացառված չէ Ուկրաինայի նախագահ Վլադիմիր Զելենսկիի և ՌԴ նախագահ Վլադիմիր Պուտինի դեմ առ դեմ հանդիպումը. ըստ Yerkir.am-ի՝ գրում է korrespondent.net-ը:

«Ես այն կարծիքին եմ, որ այդ իրավիճակը կարող է ինքնաբուխ ստեղծվել: Հիշեք Մինսկը, թե ինչպես անցան բանակցություններն այնտեղ 2015 թվականին: Բանակցությունների ժամանակ ձևաչափն անընդհատ փոխվում էր, մեկ այսպես էին հանդիպում, մեկ՝ այնպես: Այդ ամենը նախօրոք պլանավորված չէր»,- պարզաբանել է Կուլեբան ու ավելացրել, որ եթե Ուկրաինայի շահերից բխի այդպիսի հանդիպման անցկացումը, ապա այն կանցկացվի:

«Ինչ վերաբերում է Զելենսկիի և Պուտինի հանդիպմանը, ապա քառակողմ գագաթնաժողովը շատ ճկուն ձևաչափ է: Անշուշտ, գոյություն ունի նաև արարողակարգային մաս, բայց հնարավոր է անհրաժեշտության պարագայում դրանից դուրս գալ: Մենք մի բան չենք անի գագաթնաժողովում, այն է՝ մենք թույլ չենք տա Ռուսաստանից մեր գործընկերներին ստեղծել, թե Զելենսկին ինչ-որ բան է պայմանավորվում Պուտինի հետ մեր դաշնակիցների թիկունքում»,- վստահեցրել է պաշտոնյան:

Հիշեցնենք, որ նախօրեին Ուկրաինայի նախագահ Զելենսկին նշել էր, որ պատրաստ է Պուտինի հետ հանդիպմանը՝ միևնույն ժամանակ անդրադառնալով նաև այն թեմաներին, որոնց մասին պատրաստվում է բարձրացնել այդ հանդիպմանը:

Ամերիկա՜, Ամերիկա՜…
3 Օգոստոսի 2020, 22:35 Ամերիկա՜, Ամերիկա՜…
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica