close
Եղանակը Երևանում
29 Հունվարի 2020
+3°
+3°Ցերեկ
-3°Գիշեր
weather
close
Փոխարժեք
29 Հնվ 2020
USD1478.87
GBP1626.79
EUR1528.43
RUB17.75
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տ. Մեսրոպ եպս. Սարգիսեան ընտրուած է ԱՄԷ-ի եւ Քաթարի Առաջնորդ

Սփյուռքի ձայնը

26 Նոյեմբերի 2019, 14:15
 Տ. Մեսրոպ եպս. Սարգիսեան ընտրուած է ԱՄԷ-ի եւ Քաթարի Առաջնորդ

Վերջին տարիներուն  Արաբական Միացեալ Էմիրութեանց եւ Քաթարի թեմի Կաթողիկոսական Փոխանորդ Գերշ. Տ.Մեսրոպ  Եպս.  Սարգիսեանը  ընտրուած է Թեմակալ Առաջնորդ. Yerkir.am-ը տեղեկութիւն ստացաւ Մեծի Տանն Կիլիկիոյ Կաթողիկոսութեան պաշտօնական կայքէջէն։

Աղբիւրն այս առթիւ տարածած է պաշտօնական հաղորդագրութիւն, ուր մասնաւորապէս գրուած է ՝

Արաբական Միացեալ Էմիրութեանց եւ Քաթարի թեմի Ազգային Երեսփոխանական Ժողովը Շաբաթ, 23 Նոյեմբեր 2019-ին, Ազգային Առաջնորդարանին մէջ գումարեց արտակարգ նիստ մը, որուն ընթացքին Թեմիս Կաթողիկոսական Փոխանորդ Գերշ. Տ. Մեսրոպ Եպս. Սարգիսեան միաձայնութեամբ ընտրուեցաւ Թեմակալ Առաջնորդ։

Երեսփոխանական Ժողովի դիւանը տեղեակ պահեց Ն.Ս.Օ.Տ.Տ. Արամ Ա. Կաթողիկոսը ընտրութեան արդիւնքին մասին՝ հայցելով սրբազան հօր ընտրութեան վաւերացումը։

Յայտնենք, որ Մեսրոպ Սրբազանը 2013-ի Մարտ ամիսէն սկսեալ կը ծառայէր թեմէն ներս որպէս Կաթողիկոսական Փոխանորդ։ Նախքան այդ, Սրբազանը զանազան պաշտօններ վարած է Կաթողիկոսարանէն ու Դպրեվանքէն ներս։ Ան երկար տարիներ եղած է Նորին Սրբութեան գաւազանակիրը, դասատու՝ Մեծի Տանն Կիլիկիոյ Կաթողիկոսութեան Դպրեվանքէն ներս, Հայ Եկեղեցւոյ Համալասարանական Ուսանողներու Միութեան (Հ.Ե.Հ.Ո.Մ.) եւ Հայ Համալսարանաւարտներու Համախմբման (Հ.Հ.Հ.) հոգեւոր խորհրդատու, ինչպէս նաեւ Երիտասարդական Բաժանմունքի վարիչ։ Վեհափառ Հայրապետին տնօրինութեամբ, ան նաեւ ուսանած է Լիբանանի պետական եւ Քասլիքի Ս. Հոգի (University of Holy Spirit in Kaslik) համալսարաններէն ներս։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica