close
Եղանակը Երևանում
13 Դեկտեմբերի 2019
+0°
+2°Ցերեկ
+0°Գիշեր
weather
close
Փոխարժեք
13 Դեկ 2019
USD1477.71
GBP1629.96
EUR1531.55
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իսրայելում ընդդիմության առաջնորդը Նաթանյահուից պահանջում է թողնել վարչապետի պաշտոնը

Աշխարհ

22 Նոյեմբերի 2019, 19:45
 Իսրայելում ընդդիմության առաջնորդը Նաթանյահուից պահանջում է թողնել վարչապետի պաշտոնը

Իսրայելում «Կահոլ-Լավան» ընդդիմադիր դաշինքի առաջնորդ Բենի Գանցը հայտարարել է, որ երկրի վարչապետ Բենիամին Նաթանյահուն պարտավոր է թողնել իր պաշտոնը և ուշադրությունը կենտրոնացնել իր դեմ առաջադրված մեղադրանքների վրա:

Ավելի վաղ Իսրայելի կառավարության իրավաբանական խորհրդական Ավիխայ Մանդելբլիտը հայտնել է, որ որոշել է վարչապետ Բենիամին Նաթանյահուին կաշառք վերցնելու մեղադրանք առաջադրել այսպես կոչված «4000-ի գործով» և խարդախության ու հասարակական վստահությունը չարաշահելու մեղադրանքներ՝ 2000-ի և 1000-ի գործերով: Ի պատասխան Նաթանյահուն հայտարարել է, որ այդ մեղադրանքների նպատակն իրեն պաշտոնանկ անելն է:

«Ես լիովին վստահում եմ մեր իրավապահ մարմիններին՝ իրավաբանական խորհրդական Ավիխայ Մանդելբլիտի գլխավորությամբ: Ես վստահ եմ, որ նրանք իրենց աշխատանքը կատարում են բարեխղճորեն, ազնվորեն ու պրոֆեսիոնալ կերպով: Իսրայելում չկա հեղաշրջում, ավելի շուտ կան անձինք, որոնք բարիկադավորվել են իշխանության մեջ», - Գանցի խոսքը մեջբերել է նրա շտաբը:

«Նաթանյահուն իր ելույթով ցույց է տվել, որ պետք է թողնի պաշտոնը և ուշադրությունը կենտրոնացնի իր դեմ առաջադրված մեղադրանքների վրա: Նա հիանալի հասկանում է, որ անվտանգության, տնտեսության և սոցիալական ոլորտներում Իսրայել պետության առջև ծառացած լուրջ ու բարդ խնդիրները վարչապետից պահանջում են իր ամբողջ ժամանակը, եռանդն ու ուշադրությունը ներդնելու հնարավորություն», - ասված է հաղորդագրության մեջ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica