close
Եղանակը Երևանում
4 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
4 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տունը, որտեղ ծնվել է Հիտլերը, կվերածվի ոստիկանական բաժանմունքի

Աշխարհ

21 Նոյեմբերի 2019, 10:24
 Տունը, որտեղ ծնվել է Հիտլերը, կվերածվի ոստիկանական բաժանմունքի

Նեոնացիստներն այլևս հնարավորություն չեն ունենա ուխտագնացություն կատարելու այն տունը, որտեղ ծնվել է Ադոլֆ Հիտլերը։ Ավստրիայի ներքին գործերի նախարարությունը հայտարարություն է տարածել՝ նշելով, որ կառույցը, որտեղ լույս աշխարհ է եկել բռնակալը, կվերածվի ոստիկանական բաժանմունքի. ըստ Yerkir.am-ի՝ հայտնում է Reuters լրատվական գործակալությունը:

Այս որոշումը վերջ կդնի Բրաունաու Ամ Ինն փոքր քաղաքի Salzburger Vorstadt 15 հասցեում գտնվող կառույցի շուրջ բազմամյա վեճերին։ Շուրջ մեկ հարյուրամյակ այն պատկանել է Պոմմեր ընտանիքին։ Այնտեղ եղել է հյուրանոց, այնուհետև՝ հաշմանդամների օգնության կենտրոն, որի համար սեփականատերերը իշխանություններից ամսական մոտ 5000 եվրո են ստացել։ Այնուամենայնիվ, մասնավորի և պետության միջև այս համագործակցությունը մոտ երեք տարի առաջ խաթարվել է։ Տանտերերը չեղյալ են համարել իշխանությունների հետ պայմանագիրը, և Վիեննան սկսել է մտահոգվել, որ այն կանցնի Հիտլերին մեծարողների ձեռքը։ Խորհրդարանը նույնիսկ հարկադրված է եղել նոր օրենք ընդունել, որը թույլ էր տալիս 800 000 եվրոյի դիմաց բռնագրավել շենքը։

Մի քանի տարի շարունակ բանավեճեր են եղել շենքը քանդելու շուրջ։ Սակայն այժմ ՆԳՆ-ն այն կարծիքին է, որ շենքը ոստիկանական բաժանմունքի վերածելու որոշումը պարզ ազդանշան է այն մասին, որ նացիոնալ-սոցիալիզմն այլևս երբեք չի վերադառնա Ավստրիա։

Շենքն այս պահին վերանորոգման փուլում է։ Մրցույթը կհայտարարվի առաջիկայում։ Դրան մասնակցելու համար հրավիրված են ճարտարապետներ ամբողջ Եվրոպական Միությունից։

Ակնարկ. Չափորոշիչներ
4 Օգոստոսի 2020, 17:33 Ակնարկ. Չափորոշիչներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica