close
Եղանակը Երևանում
18 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
18 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄՆ-ը փոխել է դիրքորոշումը Արևմտյան ափի հրեական բնակավայրերի վերաբերյալ

Աշխարհ

19 Նոյեմբերի 2019, 10:44
 ԱՄՆ-ը փոխել է դիրքորոշումը Արևմտյան ափի հրեական բնակավայրերի վերաբերյալ

ԱՄՆ-ն այլևս այն կարծիքին չէ, որ Հորդանան գետի արևմտյան ափի իսրայելական բնակավայրերը խախտում են միջազգային իրավունքի նորմերը. ըստ Yerkir.am-ի՝ հայտնում է ՏԱՍՍ-ը՝ լրագրողների համար կայացած ճեպազրույցում պետքարտուղար Մայքլ Փոմփեոյի հայտարարությանը հղումով:

«Նախագահ Դոնալդ Թրամփի վարչակազմը վերանայում է իսրայելական բնակավայրերի վերաբերյալ Բարաք Օբամայի վարչակազմի դիրքորոշումը: Արևմտյան ափի բնակեցմանը միտված գործունեության վերաբերյալ ԱՄՆ-ի պաշտոնական հայտարարությունները տասնամյակների ընթացքում եղել են ոչ հետևողական»,- պարզաբանել է նա ու հավելել. «1979 թվականին Ջիմի Քարթերի վարչակազմը եզրակացրել է, որ իսրայելական բնակավայրերը հակասում են միջազգային իրավունքի նորմերին: Մինչդեռ՝ 1981 թվականին նախագահ Ռոնալդ Ռեյգանն անհամաձայնություն է հայտնել այդ եզրակացությանը՝ հայտարարելով, որ բնակավայրերն ի սկզբանե անօրինական չի համարում: Բոլոր կողմերի մանրամասն ու բովանդակալից ուսումնասիրությունից հետո ներկայիս վարչակազմը որոշել է համաձայնել նախագահ Ռեյգանի հետ: Իսրայելական քաղաքացիական բնակավայրերի կառուցումը Հորդանան գետի արևմտյան ափին միջազգային իրավունքի խախտում չէ»:

Իսրայելը ողջունել է այս որոշումը: Պաղեստինը հայտարարել է, որ ԱՄՆ վարչակազմը լիազորված չէ չեղյալ հայտարարել հրեական բնակավայրերին վերաբերող միջազգային բանաձևերը:

Հիշեցնենք, որ դեռևս 2016-ի դեկտեմբերին ՄԱԿ-ի Անվտանգության խորհուրդն ընդունել է թիվ 2334 բանաձևը, այն է՝ գրավված պաղեստինյան տարածքներում հրեական բնակավայրերի կառուցումը դադարեցնելու պահանջը:

Դեպի ուժեղ Հայաստան
17 Հունիսի 2021, 21:10 Դեպի ուժեղ Հայաստան
Տղա եք՝ փրկվեք, ի՞նչ ասեմ
17 Հունիսի 2021, 17:04 Տղա եք՝ փրկվեք, ի՞նչ ասեմ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica