close
Եղանակը Երևանում
23 Հունվարի 2020
+0°
+2°Ցերեկ
-5°Գիշեր
weather
close
Փոխարժեք
23 Հնվ 2020
USD1478.73
GBP1628.43
EUR1530.62
RUB17.73
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բողոքող 1200 ուսանողի ուղարկեցին համակենտրոնացման ճամբար. նոյեմբերի 17-ը ուսանողների միջազգային օրն է

Հասարակություն

17 Նոյեմբերի 2019, 09:54
 Բողոքող 1200 ուսանողի ուղարկեցին համակենտրոնացման ճամբար. նոյեմբերի 17-ը ուսանողների միջազգային օրն է

Չեխ հայրենասեր ուսանողների պատվին նոյեմբերի 17-ը միջազգայնորեն նշվում է իբրև Ուսանողների միջազգային օր՝ հայտնում է Yerkir.am-ը:

Նախապատմությունը հետևյալն է. 1939թ․ հոկտեմբերի 28-ին ֆաշիստների գրաված Չեխոսլովակիայում ուսանողները եւ դասախոսները դուրս են եկել ցույցի, որպեսզի նշեն Չեխոսլովակիա պետության կազմավորման (1918թ․ հոկտեմբերի 28) տարեդարձը։ Ցույցը ցրելու ժամանակ սպանվել է բժշկական ֆակուլտետի ուսանող Յան Օպլետալը։

1939թ․ նոյեմբերի 15-ին Օպլետալի հուղարկավորությունը կրկին վերաճել է բողոքի ցույցի։ Տասնյակ ցուցարարներ ձերբակալվել են։ Նոյեմբերի 17-ի վաղ առավոտյան գեստապոյականները և էսէսականները շրջապատել են ուսանողական հանրակացարանը։ Ավելի քան 1200 ուսանող ձերբակալվել եւ տարվել է Զակսենխաուզենի համակենտրոնացման ճամբար։ Ինը ուսանողների եւ ակտիվիստների առանց դատի մահապատժի են ենթարկել Պրահայի Ռուզինա շրջանի բանտում։ Հիտլերի հրամանով չեխական բոլոր բուհերը մինչեւ պատերազմի ավարտը փակվել են:

Այս իրադարձությունների պատվին էլ ստեղծվել է Ուսանողների միջազգային օրը, իսկ հետպատերազմյան տարիներին այն հաստատվել է Ուսանողների համաշխարհային կոնգրեսում, որը տեղի է ունեցել Պրահայում, 1946թ․։ Եւ այդ օրվանից այն ամեն տարի նշվում է։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica