close
Եղանակը Երևանում
7 Դեկտեմբերի 2019
-1°
+5°Ցերեկ
-1°Գիշեր
weather
close
Փոխարժեք
7 Դեկ 2019
USD1478.03
GBP1627.41
EUR1530.47
RUB17.50
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արցախի նախագահի գլխավորած պատվիրակությունը հյուրընկալվեց Ֆլամանական խորհրդարանում

Հասարակություն

9 Նոյեմբերի 2019, 11:06
 Արցախի նախագահի գլխավորած պատվիրակությունը հյուրընկալվեց Ֆլամանական խորհրդարանում

Արցախի հետ Բելգիայի հոլանդախոս պատգամավորների բարեկամության խմբի անդամների և ՀՅԴ Եվրոպայի Հայ դատի հանձնախմբի գրասենյակի նախաձեռնությամբ` Արցախի Հանրապետության նախագահ Բակո Սահակյանի գլխավորած պատվիրակությունը հյուրընկալվեց Ֆլամանական խորհրդարանում։

Ֆլամանական խորհրդարանի ութ անդամներ, այդ թվում` բելգիացի սենատորներ, մասնակցեցին հանդիպմանը, որին ներկա էին նաև ՀՅԴ Բյուրոյի ներկայացուցիչ Հակոբ Տեր-Խաչատուրյանը, ինչպես նաև Եվրոպայի Հայ դատի հանձնախմբի գրասենյակի նախագահ Գասպար Կարապետյանը և գործադիր տնօրեն Հեղինե Էվինյանը։

Ի թիվս այլ թեմաների, հանդիպման մասնակիցները քննարկեցին Արցախի և Ֆլանդրիայի միջև ապակենտրոնացված համագործակցության ներուժը, մասնավորապես` գյուղատնտեսության, կրթության և մշակույթի ոլորտներում: Արցախի Հանրապետության նախագահը ներկայացրեց վերջին տարիների ընթացքում Արցախի կողմից հաստատված միջազգային կապերը, ինչպես նաև երկրում անվտանգության իրավիճակը:

Քննարկման առանցքային կետերից մեկը Արցախի աշխարհաքաղաքական մեկուսացումն էր՝ պարտադրված Ադրբեջանի իշխանությունների կողմից, մասնավորապես՝ Ստեփանակերտի օդանավակայանի գործարկման անհնարինությունը: Չնայած այն հանգամանքին, որ Արցախի իշխանությունները հայտարարել են, որ իրենք մտադիր են օդանավակայանը գործարկել միայն քաղաքացիական նպատակներով, Ադրբեջանի կառավարությունը սպառնում է խոցել ցանկացած ինքնաթիռ, որը կփորձի թռիչք կամ վայրէջք կատարել Ստեփանակերտում:

Մեկնաբանելով հանդիպումը՝ Եվրոպայի Հայ դատի հանձնախմբի գրասենյակի նախագահ Գասպար Կարապետյանը նշեց. «Ես կցանկանայի շնորհակալություն հայտնել ֆլամանացի խորհրդարանականներին Արցախի Հանրապետության նախագահին խորհրդարանում ընդունելու իրենց նախաձեռնության համար, մասնավորապես` սենատոր Կառլ Վանլուվին, որը համակարգեց այս հանդիպումը։ Այս բարեկամական խմբի բազմակուսակցական բնույթը ցույց է տալիս այն մեծ հետաքրքրությունը, որը ձևավորվել է տարբեր քաղաքական կուսակցությունների շրջանում Արցախի վերաբերյալ»: 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica