close
Եղանակը Երևանում
17 Նոյեմբերի 2019
+0°
+8°Ցերեկ
-1°Գիշեր
weather
close
Փոխարժեք
17 Նմբ 2019
USD1477.57
GBP1614.78
EUR1526.28
RUB17.48
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հակոբ Ճաղարյան.«Շիրակ» օդանավակայանը բարձր չափանիշներով պատրաստ է սպասարկել ցանկացած միջազգային թռիչք»

Բլոգեր

22 Հոկտեմբերի 2019, 21:38
 Հակոբ Ճաղարյան.«Շիրակ» օդանավակայանը բարձր չափանիշներով պատրաստ է սպասարկել ցանկացած միջազգային թռիչք»

ՀՀ վարչապետի՝ քաղավիացիայի գծով խորհրդական Հակոբ Ճաղարյանը ֆեյսբուքյան իր էջում գրել է.

«Այսօր աշխատանքային այցով եղել եմ Գյումրիի «Շիրակ» օդանավակայանում: Վաղուց չէի եղել, և ինձ այսօր շատ հաճելի զարմացրեց տեսածս ամեն բանը:

Նախ՝ օդանավակայանի մատույցները բարեկարգ էին: Իր «գրդոնչիներով» ու նրանց անանցանելի շարքերով հայտնի օդանավակայանի հրապարակը ազատ, բարեկարգ, կանաչաատ: Էս հարցում, գիտեմ, իր անսպառ դրական էներգիայով, իր անգնահատելի ներդրումն ունի Սոֆի Հովսեփյանը:

Մուտքի մոտ ինձ անցագրով դիմավորեց օդանավակայանի ադմինստրատոր տնօրեն Արմինե Աբրահամյանը: Առաջին իսկ տպավորությունից համակրանքի արժանի, երիտասարդ, բանիմաց: Եվ առաջնորդեց ողջ այցի ընթացքում:

Ֆոտոներում պարզ երևում են արված և շարունակվող աշխատանքների արդյունքը:
Օդանավակայանի շենքը կոկիկ վերանորոգված է, ապակեպատված «եվրո» կոչվող ապակիներով: Շենքն արդեն ունի ջեռուցման համակարգ:

Անվտանգության և սահմանապահ ստուգման կետերը, ինչպես տեսնում եք, նոր են և ապահովված ժամանակակից բոլոր սարքավորումներով:
Երբ օդանավակայանի տնօրենը սովորություն դարձած շարժումով ստուգման գծին դրեց ձեռքի հեռախոսը և ստուգող մագնիտն անցնելուց հետո սովորականի պես կանգնեց ձեռքի մագնիտով ստուգողի առջև անձնական ստուգման` հասկացա, որ դա կարգի պահպանման չափանիշ է, որը կատարում են բոլորը, նույնիսկ օդանավակայանի ղեկավարը և անվտանգության աշխատակիցները, որոնց ստուգումը պատուհաններ հետևից աչքի պոչով տեսա, երբ արդեն օդանավակայանի շենքից դուրս էի եկել կայանատեղի:

Կայանատեղին մեծացված է, և բարեկարգված: Հին ու նոր ասֆալտների միացման գիծը և գույների տարբերությունը նկարների վրա երևում է: Բայց այդքանով հանդերձ չի նկատվում մեր աչքին սովորական դարձած հին ու նոր ասֆալտների անհարթությունները: Ամեն ինչ միահարթ է և որակյալ:

Օդանավակայանի մասնագիտացված մեքենաների պարկը ազդեցիկ է` կա, փաստորեն ամեն ինչ, և բոլորը որակյալ, հայտնի ընկերությունների արտադրության:
Հատուկ կնշեի ամենաժամանակակից և աշխարհում ամենաէֆեկտիվներից մեկը համարվող հրշեջ մեքենան: Ինչպես նաև հրշեջ գործողությունների համար նախատեսված հատուկ հանդերձանքը, նույնպես ամենապահանջկոտ որակի:

Նոր դիսպետչերական աշտարակ, նոր դիտարկման կենտրոն...

Արդյունքում կարելի է վստահորեն հաստատել, որ Գյումրիի «Շիրակ» օդանավակայանը բարձր չափանիշներով պատրաստ է սպասարկել ցանկացած միջազգային թռիչք»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica