close
Եղանակը Երևանում
12 Նոյեմբերի 2019
+10°
+13°Ցերեկ
+2°Գիշեր
weather
close
Փոխարժեք
12 Նմբ 2019
USD1477.22
GBP1610.79
EUR1526.33
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Էրդողանը հայտարարել է, որ Թուրքիան չի պատրաստվում հեռանալ Սիրիայից

Տարածաշրջան

21 Հոկտեմբերի 2019, 12:16
 Էրդողանը հայտարարել է, որ Թուրքիան չի պատրաստվում հեռանալ Սիրիայից

Թուրքիայի նախագահ Ռեջեփ Թայիփ Էրդողանը, ելույթ ունենալով Ստամբուլում Ռիզեի օրվան (որտեղ ծնվել է Էրդողանը) նվիրված միջոցառման շրջանակում, անդրադարձել է Սիրիայում հոկտեմբերի 9-ին մեկնարկած «Խաղաղության ակունք» ռազմական գործողությանը և օրեր առաջ ԱՄՆ-ի միջամտությամբ ձեռք բերված 120-ժամյա հրադադարին:

«Մեր երկիրը և՛ սեփական անվտանգությունը, և՛ Սիրիայի տարածքային ամբողջականությունը երաշխավորելու ուղղությամբ քայլեր է անում: Հինգշաբթի օրը ԱՄՆ-ի հետ ձեռք բերած համաձայնությունն արտացոլում է դիվանագիտության մեջ մեր հաջողությունը: Դարձյալ կրկնում եմ՝ ԱՄՆ-ի հետ պայմանավորվել ենք անվտանգության գոտի հայտարարված տարածքներում 120 ժամվա ընթացքում դատարկել շրջանները: Հինգշաբթի գիշերվանից սկսած՝ այդ գործընթացն ընթանում է: Ուշադրություն դարձրեք, ահաբեկչական խմբավորումների հետ չենք համաձայնել, այլ՝ ԱՄՆ-ի: Այստեղ ոմանք սխալ ուղղության են տանում, նման բան չկա»,- հայտարարել է Թուրքիայի ղեկավարը:

Էրդողանը նաև նշել է, որ անվտանգության գոտին պետք է լինի հյուսիսից հարավ (Սիրիայի տարածքում)՝ 32 կմ, Իրաքի սահմանից Ջերաբլուս 444 կմ տարածքում: «Մենք մեր դասերը քաղել ենք, ծրագրերն ու նախագծերը պատրաստ են: Քայլերն էլ ըստ դրա ենք անում: Շարունակելու ենք մեր պայքարը մինչև, որ շրջանը մաքրվի վերջին ահաբեկչից»,- նրա խոսքերն է մեջբերում է թուրքական NTV հեռուստաալիքը:

Թուրքիայի ԱԳՆ ղեկավար Մևլյութ Չավուշօղլուն էլ հերքել է Թուրքիայի կողմից քիմիական զենքի կիրառման մասին տեղեկությունը: «Մենք մեր պատմության մեջ երբեք քիմիական զենք չենք օգտագործել: Մեր զինանոցում երբեք քիմիական զենք չենք ունեցել: Ըստ այդ համաձայնության (հրադադարը)՝ 120 ժամվա ընթացքում բոլոր ահաբեկչական տարրերը պետք է հետ քաշվեն: Եթե 35 ժամվա ընթացքում հետ չքաշվեն, գործողությունը կվերսկսվի»,- հայտարարել է նախարարը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica