close
Եղանակը Երևանում
13 Նոյեմբերի 2019
+3°
+12°Ցերեկ
+2°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երեկ Սահմանադրական դատարանը հրապարակել է կարևոր որոշում. Ռուբեն Մելիքյան

Քաղաքական

19 Հոկտեմբերի 2019, 10:09
 Երեկ Սահմանադրական դատարանը հրապարակել է կարևոր որոշում. Ռուբեն Մելիքյան

Ռուբեն Մելիքյանը ֆեյսբուքյան էջում գրում է.

«Երեկ Սահմանադրական դատարանը հրապարակել է ՍԴՈ-1480 անչափ կարևոր որոշումը, որի հիման վրա վերջապես կարող է լուծում ստանալ տարիներ ի վեր գիտական, փորձագիտական և իրավակիրառական հարթություններում բարձրաձայնվող մի կարևոր խնդիր՝ կապված այլընտրանքային խափանման միջոցների և մասնավորապես գրավի արդյունավետության հետ։

Դատավոր Ալվինա Գյուլումյանի նախագահությամբ՝ Սահմանադրական դատարանը որոշել է, որ գրավը պետք է լիարժեքորեն ինքնուրույն խափանման միջոց լինի, այլ ոչ թե կապակցվի կալանքին։ Նաև որոշել է, որ գրավը չպետք է ուղղված լինի միայն մեղադրյալի փախուստը կանխելուն, այլև պատշաճ վարքագիծն ապահովելուն (օրինակ՝ վկաների վրա ներազդեցությունը կանխելուն)։

ՍԴ-ին ուղղված դիմումի հեղինակը Վճռաբեկ դատարանն էր, և ուրախալի է, որ հարցի վերաբերյալ ՍԴ-ին դիրքորոշումներ են ներկայացրել ոչ միայն պատասխանողը՝ Ազգային ժողովը, այլև Կառավարությունը, Մարդու իրավունքների պաշտպանը և Փաստաբանների պալատը։

Իրավակարգավորման բաց չառաջացնելու նկատառումով՝ Սահմանադրական դատարանն Ազգային ժողովին ժամանակ է տվել՝ մինչև 2020թ. ապրիլի 15-ը, Քրեական դատավարության օրենսգրքում համապատասխան փոփոխություններ կատարելու համար։

ՍԴ որոշման հղումը»

Եղանակը Հայաստանում
12 Նոյեմբերի 2019, 23:01 Եղանակը Հայաստանում
Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica