close
Եղանակը Երևանում
14 Հուլիսի 2020
+18°
+29°Ցերեկ
+17°Գիշեր
weather
close
Փոխարժեք
14 Հլս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ժամանակն է ճանաչելու Հայոց ցեղասպանությունը. ԱՄՆ կոնգրեսականներ

Աշխարհ

18 Հոկտեմբերի 2019, 15:46
 Ժամանակն է ճանաչելու Հայոց ցեղասպանությունը. ԱՄՆ կոնգրեսականներ

ԱՄՆ մի քանի կոնգրեսականներ ելույթ են ունեցել Կոնգրեսում՝ կապված հոկտեմբերի 9-ին Թուրքիայի կողմից Սիրիայում սկսված ռազմական գործողության հետ: ԱՄՆ-ն արդեն հայտարարել է, որ պատժամիջոցներ է կիրառելու թուրքական մի շարք պաշտոնյաների նկատմամբ: Կոնգրեսականներ՝ հանրապետական Թեդ Լյուն և դեմոկրատ Բրեդ Շերմանը հայտարարել են, որ ժամանակն է ճանաչել Հայոց ցեղասպանությունը:

«Ժամանակն է վերանայել Թուրքիայի հետ մեր քաղաքականությունը: 1940-ականներից ի վեր մենք պաշտպանել ենք Թուրքիային ՆԱՏՕ-ի անդամակցությամբ: Մենք պաշտպանել ենք Թուրքիային դիվերսիայից՝ 1940-ականներին, և պաշտպանել նրան տասնամյակներ շարունակ ԽՍՀՄ-ից: Վերջին 20 տարիներին Թուրքիայի մոտեցման հարցում վարել ենք ստորացուցիչ, ստրկամիտ քաղաքականություն: Մենք գլուխ ենք խոնարհել Անկարայի առաջ Հայոց ցեղասպանության ճանաչման ձախողման հարցում: Ժամանակն է պալատում ճանաչելու Հայոց ցեղասպանությունը ձայների ճնշող մեծամասնությամբ: Ժամանակն է, որ մենք դադարեցնենք այս անպատվաբեր հարաբերությունները Թուրքիայի հետ»,-Կոնգրեսում ունեցած ելույթում հայտարարել է Բրեդ Շերմանը: 

Իսկ Թեդ Լյուն նշել է. «Մենք ոչ միայն պետք է պատժամիջոցներ կիրառենք Թուրքիայի նկատմամբ, այլև կարծում եմ, որ նաև ժամանակն է պաշտոնապես ճանաչել Հայոց ցեղասպանությունը»: Այս մասին տեղեկանում ենք ԱՄՆ Հայ դատի հանձնախմբի ֆեյսբուքյան էջից:

Նշենք, որ «Խաղաղության ակունք» գործողությունից հետո ԱՄՆ-ն հայտարարել էր Թուրքիայի նկատմամբ կիրառվելիք պատժամիջոցների մասին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica