close
Եղանակը Երևանում
5 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
5 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տեղի կունենա Ռուբեն Հովսեփյանի 80-ամյակին նվիրված հոբելյանական երեկո

Հասարակություն

15 Հոկտեմբերի 2019, 10:32
 Տեղի կունենա Ռուբեն Հովսեփյանի 80-ամյակին նվիրված հոբելյանական երեկո

Լրանում է անվանի արձակագիր, թարգմանիչ, ազգային գործիչ Ռուբեն Հովսեփյանի 80-ամյակը: Մեծ գործչի ամյակին նվիրված տոնակատարությունների շրջանակներում Համազգային Հայ կրթամշակութային միության երևանյան գրասենյակը սիրով հրավիրում է հոբելյանական երեկոյին, որը տեղի կունենա ս.թ. հոկտեմբերի 16-ին, ժամը 19.00-ին: Միջոցառման վայրը՝ Սոս Սարգսյանի անվան Համազգային թատրոն (Ամիրյան 26):

Մուտքն ազատ է:

Yerkir.am-ը ներկայացնում է Ռուբեն Հովսեփյանի ստեղծագործություններից և մտքերից մի քանի հատվածներ:  

Հիշողություն չունեցողն արդեն մարդ չէ… Ոչ էլ ազգն է ազգ… Տգեղ ենք, կռնատ ենք, ընկնավոր ենք, թունոտ ենք, կռվարար ենք, մեծամիտ ենք, թե վախկոտ ենք՝ էս ենք: Աշխարհի ստեղծածն ենք…

«Ծիրանի ծառերի տակ», 2006 թ.

Հիմա ինձ ամենաշատը հուզում է մեր քաղաքացիական հասարակության կայացման խնդիրը: Այլևս հույս չեմ կապում իշխանությունների և գործող կուսակցությունների հետ: Իմ ցանկությունը պայմանավորված է քաղաքացիական հասարակության կայացմամբ, ինչն էլ կարող է պարտադրել իշխանություններին և կուսակցություններին վերանայելու մեր ապրելակերպը:

2013 թ.

Հոգևոր արժեքների ամբարման մշտական մասնակիցն է մտավորականը, որի ներկայությունը, բնականաբար, նկատելի է դառնում, երբ զուլալվում է տակառի պարունակությունը: Առայժմ պղտոր է մեր տակառի պարունակությունը:

2013 թ.

…Եվ մարդկանց մեծ սխալը այն է, որ փոխանակ լսեն, թե ինչ է հուշում Քրիստոսը, սպասում են նրա գալստյանը, այսինքն՝ գործին, հրաշագործությանը: Հրաշագործությունը դուք պիտի գործեք, ողջերդ…

«Ծիրանի ծառերի տակ», 2006 թ.

 

Ակնարկ. Չափորոշիչներ
4 Օգոստոսի 2020, 17:33 Ակնարկ. Չափորոշիչներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica