close
Եղանակը Երևանում
17 Նոյեմբերի 2019
+0°
+8°Ցերեկ
-1°Գիշեր
weather
close
Փոխարժեք
17 Նմբ 2019
USD1477.57
GBP1614.78
EUR1526.28
RUB17.48
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի դեսպանին կանչել են Ֆրանսիայի ԱԳՆ. AFP

Աշխարհ

10 Հոկտեմբերի 2019, 17:29
 Թուրքիայի դեսպանին կանչել են Ֆրանսիայի ԱԳՆ. AFP

Ֆրանսիայի ԱԳՆ-ն կանչել է Փարիզում Թուրքիայի դեսպանին՝ կապված Սիրիայում Անկարայի ռազմական գործողության հետ: Այս մասին այսօր հայտնել է France-Presse գործակալությունը (AFP)՝ վկայակոչելով դիվանագիտական աղբյուր:

«Դեսպանը կանչվել է օրվա երկրորդ կեսին»,- ավելացրել է աղբյուրը:

Ավելի վաղ Ֆրանսիայի ԱԳ նախարար Ժան-Իվ Լե Դրիանը Twitter-ի իր էջում նշել էր, որ Սիրիայում թուրքական ռազմական գործողությունը կարող է սասանել եվրոպական անվտանգությունը, անհրաժեշտ է այն դադարեցնել: «Ես դատապարտում եմ Սիրիայում Թուրքիայի սկսած միակողմանի գործողությունը: Այն սպառնալիքի տակ է դնում ԻՊ ահաբեկչական խմբավորման դեմ կոալիցիայի անվտանգության եւ հումանիտար ոլորտում գործադրվող ջանքերը»,- նշել էր նա:

Անկարան երեկ՝ հոկտեմբերի 9-ին, հայտարարել էր Սիրիայի հյուսիսում «Խաղաղության աղբյուր» գործողության անցկացման մասին, որը սկսվել է քրդական կազմավորումների դիրքերի վրա Թուրքիայի ՌՕՈՒ-ի ավիահարվածներով: Գործողության նպատակն է այնտեղ բուֆերային գոտու ստեղծումը, որը պետք է դառնա թուրքական սահմանի պաշտպանական գոտի, եւ որտեղ, Անկարայի մտահղացմամբ, Թուրքիայից կարող են վերադառնալ սիրիացի փախստականները:

Սիրիական պետական SANA գործակալությունը գործողությունն «ագրեսիա» է որակել, միջազգային հանրությունը դատապարտել է Անկարայի գործողությունները: Մեծ Բրիտանիան, Գերմանիան եւ Ֆրանսիան խնդրել են անցկացնել ՄԱԿ-ի Անվտանգության խորհրդի նիստ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica