close
Եղանակը Երևանում
24 Փետրվարի 2020
+8°
+10°Ցերեկ
+0°Գիշեր
weather
close
Փոխարժեք
24 Փտր 2020
USD1478.42
GBP1617.07
EUR1517.55
RUB17.43
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Brexit-ի շուրջ հանդիպումն արդյունք չունեցավ․ հայտարարություն Բրյուսելից

Աշխարհ

20 Սեպտեմբերի 2019, 19:48
 Brexit-ի շուրջ հանդիպումն արդյունք չունեցավ․ հայտարարություն Բրյուսելից

Եվրամիության կազմից Մեծ Բրիտանիայի դուրս գալու (Brexit) հարցերով բրիտանացի նախարար Սթիվեն Բարքլիի և ԵՄ-ից գլխավոր բանակցորդ Միշել Բառնիեի հանդիպումն անարդյունք Է ավարտվել, կողմերը պայմանավորվել են շարունակել բանակցությունները: Այս մասին ասված է Եվրահանձնաժողովի՝ սեպտեմբերի 20-ին տարածած հայտարարությունում։

«Միշել Բարնիեն և Սթիվեն Բարքլին պայմանավորվեցին, որ տեխնիկական բանակցությունները կշարունակվեն,-նշվում Է հայտարարությունում:-Չափազանց կարևոր Է, որ դուրս գալու վերաբերյալ համաձայնագրում ներառվի լիովին աշխատունակ և իրավաբանորեն ֆունկցիոնալ որոշում: Մենք առաջվա պես պատրաստ ենք ուսումնասիրելու ցանկացած առաջարկություն, որը համապատասխանում Է «բեքստոպի» բոլոր նպատակներին»:

Փաստաթղթում ընդգծվում Է, որ Բառնիեն և իր թիմը Եվրախորհրդարանին և ԵՄ-ի խորհրդին կտեղեկացնեն բանակցությունների ընթացքի մասին: Հաղորդում է ТАСС գործակալությունը։

Այսպիսով՝ Եվրամիությունում Մեծ Բրիտանիայի իշխանություններից սեպտեմբերի 19-ին ստացած փաստաթղթերը, որոնք, ենթադրաբար, պետք Է պարունակեին Լոնդոնի առաջարկությունները Brexit-ի պայմանների վերաբերյալ, չեն գոհացրել Բրյուսելին:

Այսպիսի հետևություն կարելի Է անել, թեկուզ այն պատճառով, որ ԵՀ հայտարարության մեջ ոչ մի խոսք չկա բանակցություններում առաջընթացի մասին, ինչը կողմերն ակնկալում Էին ուղարկված փաստաթղթերով պայմանավորված:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica