close
Եղանակը Երևանում
17 Նոյեմբերի 2019
+6°
+8°Ցերեկ
-1°Գիշեր
weather
close
Փոխարժեք
17 Նմբ 2019
USD1477.57
GBP1614.78
EUR1526.28
RUB17.48
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պողոս Պողոսյանի դա՞տ, թե՞ «կուսակցական շոու». ժամանակի մամուլը փաստել է ՀՅԴ ակտիվությունը

Քաղաքական

12 Սեպտեմբերի 2019, 18:44
 Պողոս Պողոսյանի դա՞տ, թե՞ «կուսակցական շոու». ժամանակի մամուլը փաստել է ՀՅԴ ակտիվությունը

Ռոբերտ Քոչարյանի դատավարությանը զուգահեռ, վերաբացվել է նաև Պողոս Պողոսյանի սպանության գործը: Հիշեցնենք, որ ՀՅԴ անդամ, ջավախահայ ազգային-հասարակական գործիչ Պողոս Պողոսյանը սպանվել էր Երևանի «Առագաստ» սրճարանում 2001 թ. սեպտեմբերի 24-ի լույս 25-ի գիշերը՝ երկրորդ նախագահի թիկնազորի կողմից դաժանաբար ծեծվելու արդյունքում:

Հասարակության մեջ ընդվզում առաջացրած այս ցավալի դեպքը, այնուհետ նաև դատավարության կողմնակալ ընթացքն ու արդյունքները մշտապես եղել են քննարկումների, շատ դեպքերում նաև շահարկումների առարկա: Որոշ ուժեր կամ անհատներ, ցանկանալով Հռոմի պապից ավելի կաթոլիկ երևալ և Պ. Պողոսյանի սպանությունը դատապարտելով՝ «հերոսանալ», երբեմն թիրախավորել են ՀՅԴ-ին և այժմ էլ շարունակում են այդ հողի վրա իրենց էժանագին վարքագիծը: 

Բարեբախտաբար, ժամանակին խնամքով արված հրապարակումները խոսում են բոլորովին այլ իրողությունների մասին: 

Հասարակական գործիչ, ՀՅԴ անդամ Վալերի Արաբյանը «Լեռնաշխարհ» թերթի 2002 թ. փետրվարի համարում հրապարակված «Դատարանը չբացահայտեց ճշմարտությունը» խորագրի տակ մանրամասնորեն անդրադարձել է դատավարությանը, հատկապես՝ փետրվարի 19-ին և 21-ին կայացած նախավերջին և վերջին նիստերին, որոնց ինքը ևս ներկա է գտնվել: Ներկայացնելով ականատեսների գրավոր վկայությունները, տուժողի իրավահաջորդի (Պողոս Պողոսյանի եղբայր, այժմ երջանկահիշատակ Անդրանիկ Պողոսյանի) շահերի պաշտպան, փաստաբան Ռուբեն Սահակյանի մի շարք միջնորդությունները՝ Վ. Արաբյանն այնուհետև մեջբերում է ուշագրավ մի շարք դրվագներ դատավարության ընթացքից:

Ներկայացնենք վերոնշյալ դրվագներից մեկը. դատապարտելով պետական մեղադրող Էդ. Սարիկյանի և դատապաշտպան Գր. Յանիկյանի աչառու վարքագիծը՝ հոդվածագիրը մեջբերում է նաև ամբաստանյալի դժգոհությունը. «Սա ոչ թե դատ է, այլ դատական շոու, կուսակցական շոու (ամբաստանյալը դատապարտում է դատավարության ընթացքում Հ.Յ. Դաշնակցության կարծր դիրքորոշումները և անզիջում կեցվածքը - «Երկիր»): Փորձում են ձգձգել դատավարությունը»:    

Ընդհանրացնելով՝ նշենք, որ Վ. Արաբյանի խոսքը յուրօրինակ ընդվզում է, բողոք՝ ընդդեմ անարդար դատավարության, մի ընթացք, որի կասեցման հարցում ընդգրկված էր ՀՅԴ կազմակերպական կառույցն` իր ողջ ներուժով: Հեղինակն իր խոսքն ամփոփում է՝ մեջբերելով լրագրողներից մեկի՝ պետական մեղադրողին ուղղված խոսքով. «Դուք այս հասարակության համար ավելի վտանգավոր եք, քան մարդասպանները»:

Ստորև ներկայացնում ենք Վ. Արաբյանի վերոնշյալ հոդվածի լուսապատճենված տարբերակը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica