close
Եղանակը Երևանում
16 Հոկտեմբերի 2019
+22°
+23°Ցերեկ
+10°Գիշեր
weather
close
Փոխարժեք
16 Հոկ 2019
USD1476.76
GBP1608.06
EUR1526.20
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԱԿ-ը Եվրոպայի երկրներին հորդորել է ընդլայնել փախստականների երեխաների ուսման հնարավորությունները

Աշխարհ

11 Սեպտեմբերի 2019, 14:29
 ՄԱԿ-ը Եվրոպայի երկրներին հորդորել է ընդլայնել փախստականների երեխաների ուսման հնարավորությունները

Եվրոպայի երկրներում միգրանտների և փախստականների երեխաների՝ ուսում ստանալու հնարավորությունները պետք է ընդլայնվեն։ Այս մասին ասվում է Ժնևում չորեքշաբթի ՄԱԿ-ի փախստականների հարցերով գերագույն հանձնակատարի վարչության (ՓԳՀՎ), Միգրացիայի միջազգային կազմակերպության (ՄՄԿ) և ՄԱԿ-ի մանկական հիմնադրամի (ՅՈւՆԻՍԵՖ) համատեղ հայտարարությունում. հայտնում է ՏԱՍՍ-ը։

Նրանք կոչ են արել եվրոպական երկրներին՝ ավելացնել ռեսուրսները և գործնական աջակցությունն իրենց դպրոցական համակարգերին՝ ապահովելով, որպեսզի փախստականների, ապաստան խնդրողների և միգրանտների բոլոր երեխաները կարողանան որակյալ կրթություն ստանալ:

Ներկայումս Եվրոպայի սահմաններից դուրս ծնված երեխաներն ու դեռահասները երկու անգամ ավելի քիչ ունեն դպրոցում ուսուցումն ավարտելու հնարավորություն, քան նրանց եվրոպացի հասակակիցները: Հիմնական դժվարություններից են ֆինանսական միջոցների անբավարարությունը, դպրոցներում տեղերի կամ ուսուցիչների պակասը, լեզվական պատնեշները, հոգեբանական աջակցության բացակայությունը։ Միևնույն ժամանակ, շատ դժվարություններ ունեն հատկապես 3-5 տարեկան երեխաներն ու 15 և ավելի տարիքի դեռահասները, քանի որ հաճախ նրանց վրա չի տարածվում պարտադիր միջնակարգ կրթության մասին ազգային օրենսդրությունը։

«Փախստականների երեխաների համար կրթությունը կենսականորեն կարևոր նշանակություն ունի: Որակյալ կրթությունը բարձրացնում է կենսական հնարավորությունները, հեշտացնում ինտեգրումը, շահավետ ճանապարհ բացում և՛ ուսում ստացողի, և՛ հասարակության համար»,- ասել է ՓԳՀՎ  եվրոպական գրասենյակի տնօրեն Պասկալ Մորոն։ 

ՓԳՀՎ-ն ՄՄԿ-ն և ՅՈւՆԻՍԵՖ-ը կարծում են, որ Եվրոպայի երկրները պետք է ընդլայնեն փախստականների և միգրանտների երեխաների՝ կրթություն ստանալու հնարավորությունները վաղ տարիքում և աջակցեն, որպեսզի նրանք ստանան լիակատար միջնակարգ կրթություն և պրոֆեսիոնալ մասնագիտացում։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica