close
Եղանակը Երևանում
9 Դեկտեմբերի 2019
+0°
+6°Ցերեկ
+0°Գիշեր
weather
close
Փոխարժեք
9 Դեկ 2019
USD1478.03
GBP1627.41
EUR1530.47
RUB17.50
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թեհրանի նախկին քաղաքապետը մահապատժի է դատապարտվել

Տարածաշրջան

30 Հուլիսի 2019, 13:05
 Թեհրանի նախկին քաղաքապետը մահապատժի է դատապարտվել

Թեհրանի նախկին քաղաքապետ Մոհամադ Ալի Նաջաֆին մահապատժի է դատապարտվել: Այս մասին, լրագրողների հետ հանդիպման ժամանակ հայտնել է Իրանի դատական ուժի մամուլի խոսնակ Ղոլամ Հոսեյն Էսմայիլին. հաղորդում է ԻՌՆԱ-ն:

Ըստ նրա՝ դատարանն ապացուցված է համարել դատախազի ներկայացրած` դիտավորյալ սպանության մեղադրանքը եւ, հաշվի առնելով զոհի անմիջական ժառանգների պահանջը, Մոհամմադ Ալի Նաջաֆիին մահապատժի դատապարտել:

Էսմայիլին տեղեկացրել է նաեւ, որ դատարանի վճռի մասին տեղեկացված են տուժողի եւ մեղադրյալի դատապաշտպանները:

Վճիռը վերջնական չէ եւ ենթակա է բողոքարկման:

Հիշեցնենք, որ մայիսի 28-ի առավոտյան սեփական բնակարանում Նաջաֆին հրազենից արձակած կրակոցով սպանել էր իր երկրորդ կնոջը՝ Միթրա Օսթադին: Նույն օրը՝ երեկոյան, նա ինքնախոստովանանքով ներկայացել էր ոստիկանություն եւ ձերբակալվել: Նաջաֆին խոստովանել էր, որ սպանությունը կատարել էր ընտանեկան սուր տարաձայնությունների պատճառով: Ողբերգական միջադեպից ամիսներ առաջ նույն պատճառով նա ինքնասպանության անհաջող փորձ էր կատարել Թեհրանի հյուրանոցներից մեկում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica