close
Եղանակը Երևանում
19 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
19 Օգս 2019
USD1475.92
GBP1578.43
EUR1527.46
RUB17.22
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԲԴԽ գիտնական-անդամը միջնորդեց Տավարացյանի լեգիտիմության հարցով, որպես վկա, հրավիրել վճռաբեկ դատարանի նախագահին

Իրավունք

18 Հուլիսի 2019, 15:19
 ԲԴԽ գիտնական-անդամը միջնորդեց Տավարացյանի լեգիտիմության հարցով, որպես վկա, հրավիրել վճռաբեկ դատարանի նախագահին

Այսօր Բարձրագույն դատական խորհրդի անդամ Նախշուն Տավարացյանի լիազորությունների դադարեցման պահանջով հրավիրված նիստում գիտնական անդամ Գրիգոր Բեքմեզյանը միջնորդություն ներկայացրեց, որպես վկա, հրավիրել Վճռաբեկ դատարանի նախագահ Երվանդ Խունդկարյանին։

Նրա պնդմամբ` Վճռաբեկ դատարանի նախագահ Երվանդ Խունդկարյանը եղել է նաև հուլիսի 11–ին կայացած` Դատավորների ընդհանուր ժողովի նախագահ, և նա պետք է ներկայանա և, որպես վկա, պարզաբանի` երբ է Նախշուն Տավարացյանը համարվում ԲԴԽ` պաշտոնը ստանձնած անդամ։

«Պետք է պարզենք, թե Դատավորների ընդհանուր ժողովը, որը լիազորել է Նախշուն Տավարացյանին որպես ԲԴԽ անդամ, ի՞նչ դիրքորոշում ունի այս հարցի շուրջ»,– ասաց Բեքմեզյանը։

Հարցին անդրադարձավ նաև ԲԴԽ նորընտիր անդամ, դատավոր Մեսրոպ Մակյանը: Նա տեսակետ հայտնեց` Երվանդ Խունդկարյանը չէ, որ պետք է գա և որոշի, թե ինչպես մեկնաբանել օրենքը։

Վճռաբեկ դատարանի նախագահին ԲԴԽ նիստին հրավիրելու հարցը դրվեց քվեարկության։ Ձայների` 4 կողմ և 5 դեմ հարաբերակցությամբ միջնորդությունը մերժվեց. կողմ քվեարկեցին ԲԴԽ գիտնական–իրավաբան անդամները, իսկ դեմ՝ դատավոր անդամները։

Հիշեցնենք, որ ԲԴԽ նիստը հրավիրել էին ԲԴԽ գիտնական անդամներ Գրիգոր Բեքմեզյանը, Հայկ Հովհաննիսյանը և Լիպարիտ Մելիքջանյանը:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica