close
Եղանակը Երևանում
20 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
20 Օգս 2019
USD1475.90
GBP1575.55
EUR1527.39
RUB17.13
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բարձրաստիճան պաշտոնյաներն ասում են՝ պայմանագիր չունեք, ոռոգման ջուր չենք տալիս. քաղցրաշենցիները բողոքում են կառավարության շենքի առջև

Հասարակություն

16 Հուլիսի 2019, 14:22
 Բարձրաստիճան պաշտոնյաներն ասում են՝ պայմանագիր չունեք, ոռոգման ջուր չենք տալիս. քաղցրաշենցիները բողոքում են կառավարության շենքի առջև

Արարատի մարզի Քաղցրաշեն համայնքի բնակիչները կառավարության շենքի առջև բողոքի ակցիա են իրականացնում` պահանջելով լուծել ոռոգման ջրի խնդիրը: Նրանց պնդմամբ` 15 օր է՝ ջուր չի եղել, հետևաբար` չեն կարողացել ոռոգել իրենց հողատարածքները:

Քաղցրաշենցիները պահանջում են նաև, որ վարչապետ Նիկոլ Փաշինյանն անձամբ ներկայանա իրենց համայնք`տեղում խնդրին ծանոթանալու համար:

Բողոքի ակցիայի մասնակիցների վստահեցմամբ` բարձրաստիճան պաշտոնյաները գալիս, ասում են՝ պայմանագիր չունեք, ջուր չենք տալիս: Սակայն բնակիչները  հակադարձում են` եթե պայմանագիր չունեն, ապա այսքան ժամանակ ինչո՞ւ էին ջուր տրամադրում իրենց:

Ակցիայի մասնակիցները նշում են` պաշտոնյաները նաև ասում են, թե ջրատարն է կեղտոտ, այդ պատճառով էլ ջուր չկա:

Ինչ վերաբերում է կառավարության արձագանքին, ապա ակցիայի մասնակիցներից մեկը նշում է` պատասխան դեռևս չկա, իրենց չեն ընդունում: «Առավոտ 5-ից իմ 14 տարեկան երեխու հետ ծառերս եմ սրսկել, հիմա եկել եմ այստեղ: Սա վիճա՞կ է: Ասում են՝ նամակ գրեք, 85 օրից կքննարկենք, 20 օրից կպատասխանենք: 20 օրից ոռոգման ժամանակը կանցնի, բերքը կփչանա»,- մտահոգվում է նա:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica