close
Եղանակը Երևանում
24 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
24 Հլս 2019
USD1476.13
GBP1592.26
EUR1532.17
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՔԿԾ պետն ընդունել է Իրանի փաստաբանների պալատի նախագահի գլխավորած պատվիրակությանը

Հասարակություն

20 Հունիսի 2019, 16:22
 ՔԿԾ պետն ընդունել է Իրանի փաստաբանների պալատի նախագահի գլխավորած պատվիրակությանը

Հունիսի 20-ին ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանն ընդունել է Հայաստանի Հանրապետությունում ԻԻՀ փաստաբանների պալատի նախագահ Իսա Ամինիին, նախագահի տեղակալ Ջաֆար Քուշային, նախագահի տեղակալ, հանրային պաշտպանի գրասենյակի ղեկավար Հուսեյն Մուհամադ Նաբիին, տեղեկացնում է ՀՀ ԱՆ քրեակատարողական ծառայության հանրային կապերի բաժինը:

Քննարկվող թեմաների լայն շրջանակում ընդգրկված էին ՀՀ ԱՆ քրեակատարողական հիմնարկներում իրանցի ազատազրկված անձանց պահման պայմաններին, դատապարտյալների զբաղվածության ապահովմանը, արտահանձնմանը (էքստրադիցիային), ուղղիչ հիմնարկների տեսակների փոփոխությանն առնչվող հարցեր:

Պալատի նախագահ Իսա Ամինին նախ շնորհակալություն է հայտնեց Ծառայության պետին ընդունելության համար, ապա նշել, որ բարձր Է գնահատում քրեակատարողական ծառայողների կողմից մշտապես ցուցաբերվող մարդասիրական և պատասխանատու վերաբերմունքը իրանցի կալանավորված անձանց և դատապարտյալների նկատմամբ:

Ա. Մխոյանը, իր հերթին ողջունելով հյուրերին, նշել է, որ Քրեակատարողական ծառայությունը սերտ համագործակցում է ՀՀ-ում օտարերկրյա պետությունների դիվանագիտական ներկայացուցչությունների հետ, և պատրաստակամություն հայտնեց առավել ընդլայնել և ամրապնդել համագործակցության շրջանակները երկու երկրների համապատասխան կառույցների միջև:

ԻԻՀ փաստաբանների պալատի նախագահը հայտնել է, որ իրենք պատրաստ են իրավաբանական օգնություն ցուցաբերել ոչ միայն ՀՀ-ում իրանցի ազատազրկված անձանց, այլ նաև ԻԻՀ-ում հայ ազատազրկվածներին՝ միաժամանակ պատրաստակամություն հայտնելով ձեռնարկել անհրաժեշտ միջոցներ կազմակերպելու ՀՀ ԱՆ քրեակատարողական ծառայության ներկայացուցիչների այցը Իրանի Իսլամական Հանրապետության քրեակատարողական հիմնարկներ:

Հանդիպման ավարտին կողմերը շնորհակալություն են հայտնել միմյանց բազմակողմանի քննարկման համար՝ հույս հայտնելով, որ համագործակցությունը կլինի շարունակական և առավել արդյունավետ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica