close
Եղանակը Երևանում
21 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
21 Սեպ 2019
USD1476.13
GBP1596.40
EUR1525.98
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ֆրանսիական կառավարության որոշումները հիմնված են քաղաքական-տնտեսական շահերի վրա. Մուրադ Փափազյան

Քաղաքական

18 Հունիսի 2019, 11:50
 Ֆրանսիական կառավարության որոշումները հիմնված են քաղաքական-տնտեսական շահերի վրա. Մուրադ Փափազյան

Ֆրանսիական կառավարության, իսկ ավելի կոնկրետ՝  Ֆրանսիայի վարչական դատարանների կողմից Վալանս, Բուրգ լե Վալանս, Բուրգ դը Պեաժ, Առնուվիլ քաղաքների և Արցախի Հանրապետության համայնքների միջև ստորագրված բարեկամության հռչակագրերի չեղարկման որոշումները ընդունելի չեն կարող համարվել: Այս մասին yerkir.am-ի հետ զրույցում ասաց Ֆրանսիայի հայկական կազմակերպությունները համակարգող խորհրդի համանախագահ, ՀՅԴ Բյուրոյի անդամ  Մուրադ Փափազյանը:

«Հանուն ո՞ր սկզբունքի է ֆրանսիական կառավարությունը դատի կանչել ֆրանսիական քաղաքապետերին: Մենք դատապարտում ենք քաղաքական այս նոր դիրքորոշումը, որը կարող է գոհացնել միայն Ադրբեջանին: Մենք չենք ընդունում փաստը, որ ֆրանսիական կառավարությունն այսքան վատ դիրքորոշում ունի Արցախի ժողովրդի հանդեպ: Հստակ է, որ այս որոշումները հիմնված են քաղաքական-տնտեսական շահերի վրա: Մենք նախագահ Մակրոնին բազմիցս ասել ենք, որ Արցախը մեզ  համար առաջնահերթություն է, որովհետև այստեղ կյանքի ու մահվան հարց է: Մենք չէինք կարող երևակայել, որ ֆրանսիական կառավարությունն այսքան հեռու կգնար: Մենք չենք դադարի զորավիգ լինել Արցախին, Արցախի ժողովրդին և Արցախի անկախության գործընթացին ու վերջնական փուլում ՀՀ-ի հետ միացմանը: Ժամանակն է, որ Հայաստանը Արցախի հետ ստորագրի ռազմաքաղաքական համաձայնագիր»,- նշեց Մուրադ Փափազյանը:

Այս համատեքստում Ֆրանսիայի հայկական կազմակերպությունները համակարգող խորհրդի համանախագահը հարկ համարեց ընդգծել՝ չի կարելի խաղաղության քայլեր սպասել Ադրբեջանի նախագահ Իլհամ Ալիևի կողմից, երբ Ադրբեջանը պատերազմով է ներշնչված և  միայն ուժի է դիմում:

«Մեր ուժը մենք ենք, Սփյուռքի  մեջ ամուր ենք պահում մեր դիրքերը: Իսկ նախագահ Մակրոնի հետ կունենանք լուրջ բացատրություն և կշարունակենք մեր պայքարը Արցախի ժողովրդի համար` նրանց կողքին: Արցախի ժողովուրդը և բանակն ամուր են պահում մեր սահմանները: Եթե Արցախը կորցնենք, Հայաստանը վտանգի տակ կհայտնվի, իսկ Արցախը զորացնելով` Հայաստանը կփրկենք: Պետք է միջազգային ընտանիքին Հայաստանի և Սփյուռքի զորակցությունը ցույց տանք՝ ուժ տալով Արցախին: Այո,  միայն ուժ տալով, ովքեր էլ որ լինեն Արցախի իշխանությունները՝ այսօրվա, թե վաղվա»,- ամփոփեց Փափազյանը:

Անկախության երթ՝ Երևանում
21 Սեպտեմբերի 2019, 19:41 Անկախության երթ՝ Երևանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica