close
Եղանակը Երևանում
18 Հոկտեմբերի 2019
+19°
+23°Ցերեկ
+12°Գիշեր
weather
close
Փոխարժեք
18 Հոկ 2019
USD1476.43
GBP1615.98
EUR1529.69
RUB17.45
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռեյմոնդ Դամադյանին շնորհվեց է ԵՊԲՀ պատվավոր դոկտորի կոչում

Հասարակություն

17 Հունիսի 2019, 16:17
 Ռեյմոնդ Դամադյանին շնորհվեց է ԵՊԲՀ պատվավոր դոկտորի կոչում

Հայազգի անվանի բժիշկ, ֆիզիկոս և գյուտարար Ռեյմոնդ Դամադյանը հյուրընկալվեց ԵՊԲՀ-ին:

ԵՊԲՀ հասարակայնության հետ կապերի բաժնից հայտնեցին, որ գիտական խորհրդի հանդիսավոր նիստում, շարունակելով համալրել բուհի պատվավոր դոկտորների շարքը, մագնիսա-ռեզոնանսային  տոմոգրաֆի (ՄՌՏ) ստեղծող Ռեյմոնդ Դամադյանին շնորհվեց ԵՊԲՀ պատվավոր դոկտորի կոչում։

Աշխարհահռչակ գյուտարարի հետ հանդիպումը մեկնարկեց «Հերացի» թիվ 1 հիվանդանոցի ռադիոլոգիայի կենտրոնից, որտեղ նա ներկայացրեց իր կողմից ստեղծված սարքի կարևորությունը՝ մի շարք հիվանդությունների բուժման ժամանակ:

Ռեյմոնդ Դամադյանի խոսքով՝ ՄՌՏ-ն այսօր հնարավորություն է տալիս իրականացնել ավելի արդյունավետ բուժում կարճ ժամկետներում: «Բժշկության մեջ ՄՌՏ-ն մեծ հեղաշրջում մտցրեց: Մասնավորապես պարկինսոնի հիվանդություն ունեցողներն ու ցրված սկլերոզով հիվանդներն այսօր առավել ճշգրիտ ախտորոշում են ստանում»,-ասաց Ռեյմոնդ Դամադյանը:

ԵՊԲՀ ռեկտոր Արմեն Մուրադյանի խոսքով՝ բժշկության մեջ կարևորագույն հեղաշրջում կատարած անվանի գյուտարարի այցը մեծ կարևորություն ունի ինչպես բուհի, այնպես էլ ուսանողների համար: «Համալսարանի հաջողությունը, շարժիչ ուժն ուսանողությունն է: Տեսնելով իրենց հայրենակցին, ով կարողացել է նման հայտնագործություն անել՝ սովորողները պետք է լցվեն մեծ հավակնություններով ու ոգևորությամբ՝ ոչ թե կրկնօրինակելով, այլ գերազանցելով վերջինիս»,-նշեց ռեկտորն՝ ավելացնելով, որ ինովացիոն, պրպտուն միտքը տարիք չի ճանաչում, և այսօրվա հայ սերունդը ևս կարող է նոր հայտնագործությունների հեղինակ դառնալ:

ԵՊԲՀ-ն, հետևելով Ռադիոլոգների հայկական ասոցիացիայի կոչին, նախատեսում է իր դիրքորոշումն ուղարկել Նոբելյան մրցանակի կոմիտեին, որպեսզի, չնայած ուշացումով, բայց մեր հայրենակիցը ստանա Նոբելյան մրցանակ՝ ՄՌՏ-ի հայտնագործման համար:

Ռեյմոնդ Դամադյանը Հայաստան է այցելել Ռադիոլոգների հայկական ասոցիացիայի հրավերով՝ ռադիոլոգիայի հայկական համագումարի շրջանակներում:

Նշենք, որ ՄՌՏ-ի հայտնագործումը կարևորագույն հեղաշրջում էր բժշկության մեջ՝ մի շարք հիվանդությունների, հատկապես, քաղցկեղի ախտորոշման հարցում։ Դամադյանը պարգևատրվել է ԱՄՆ Տեխնոլոգիայի ոլորտի պետական շքանշանով, ներառված է Ազգային գյուտարարների փառքի դիվանում և «ՄՌՏ տեսածրիչի հայտնագործության համար» ստացել է Մասաչուսեթսի տեխնոլոգիական համալսարանի Լեմելսոնի անվան մրցանակը, որը տրվում է գյուտարարներին։ Նրա առաջին սարքավորումը, որը կրում էր «Անսանձելի» ("Indomitable") անունը, պահպանվում է Վաշինգթոնի Սմիթսոնյան թանգարանում։

Հրադադար Սիրիայում
17 Հոկտեմբերի 2019, 22:09 Հրադադար Սիրիայում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica