close
Եղանակը Երևանում
14 Հոկտեմբերի 2019
+20°
+21°Ցերեկ
+8°Գիշեր
weather
close
Փոխարժեք
14 Հոկ 2019
USD1476.73
GBP1596.06
EUR1525.36
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արամ Ա. Կաթողիկոս Կը Դասախօսէ Գերմանական Համալսարանի Դասախօսներուն Եւ Ուսանողներուն

Հասարակություն

15 Հունիսի 2019, 15:17
 Արամ Ա. Կաթողիկոս Կը Դասախօսէ Գերմանական Համալսարանի Դասախօսներուն Եւ Ուսանողներուն

Ուրբաթ, 14 յունիս 2019-ին, նախապէս ճշդուած ժամադրութեան համաձայն, Անթիլիասի մայրավանք այցելեց Գերմանիոյ զանազան համալսարաններէ եկած խումբ մը` բաղկացած դասախօսներէ եւ դոկտորայի աստիճանի պատրաստուող ուսանողներէ: Այցելութեան նպատակն էր լսել վեհափառ հայրապետը կրօնին եւ քաղաքականութեան առնչութեան մասին` նկատի ունենալով, որ ներկաներուն մասնագիտութիւնը յիշեալ բնագաւառն է, գրում է Ազդակը։ 

Վեհափառ հայրապետը ընդհանուր ներածականէ մը ետք կեդրոնացաւ Արեւելքի ու Արեւմուտքի մէջ միաստուածեան երեք կրօններուն գծով տեղի ունեցած պատմական զարգացումներուն վրայ. ապա, բաղդատական մօտեցումով ծանրացաւ քրիստոնեայ-իսլամ կրօններուն վրայ, յատկապէս նկատի ունենալով Միջին Արեւելքը` իբրեւ ծննդավայրը յիշեալ կրօններուն:

Վեհափառ հայրապետը նախ պարզեց քրիստոնէութեան ու իսլամութեան ինքնահասկացողութիւնը, միշտ բաղդատական մօտեցումով. քրիստոնէութեան պարագային, պարզեց կրօնին թէ՛ առնչութիւնը քաղաքականութեան եւ թէ՛ հեռաւորութիւնը անկէ եւ իսլամութեան պարագային` նոյնացումը քաղաքականութեան հետ: Վեհափառ հայրապետը  յիշեց երկու պարագաներուն կրօն-քաղաքականութիւն առնչութեան դրական եւ բացասական հետեւանքները: Ան նաեւ շեշտեց այս գծով հասարակաց յայտարարները երկու կրօններուն միջեւ: Վեհափառ հայրապետը կարեւորութեամբ ընդգծեց կրօնին դերը իբրեւ բարոյական հեղինակութիւն` հաշտարարի եւ միջնորդի դերակատարութեամբ, ինչպէս նաեւ իբրեւ ճշմարտութեան, արդարութեան ու խաղաղութեան առաքեալ:

Աւելի քան ժամ մը տեւած դասախօսութենէն ետք, վեհափառ հայրապետը պատասխանեց ներկաներուն ուղղած հարցումներուն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica