close
Եղանակը Երևանում
19 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
19 Հնս 2019
USD1478.04
GBP1601.18
EUR1535.55
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հատուկ պայմաններում ծառայություն իրականացնող զինծառայողների աշխատավարձը կբարձրանա մինչև 20 տոկոսով, կլինի նաև հավելավճար

Հասարակություն

23 Մայիսի 2019, 14:40
 Հատուկ պայմաններում ծառայություն իրականացնող զինծառայողների աշխատավարձը կբարձրանա մինչև 20 տոկոսով, կլինի նաև հավելավճար

Կառավարության այսօրվա նիստում ՀՀ պաշտպանության նախարար Դավիթ Տոնոյանը ներկայացրեց նախագիծ, որի համաձայն` հստակեցվում են զինվորական ծառայության առանձնահատուկ պայմանների համար սահմանված հավելումների չափերը, առանձնահատուկ պայմանների անվանումները և այդ պայմաններում ծառայության իրականացման չափանիշները, ինչպես նաև ՀՀ վարչապետի հանձնարարականի հիման վրա զինծառայողների վարձատրության չափերը բարձրացնելու նպատակով հավելում է նախատեսվում պաշտոնական պարտականությունների կատարման համար:

Տոնոյանը հայտնեց, որ զինծառայողների դրամական ապահովության չափերը բարձրանում են միջինը 10 տոկոսով։

«Մոտավորապես համահավասարեցում է իրականացվում հավելումների մասով՝ բարձրագույն սպայական կազմ, կրտսեր ենթասպայական ու շարքային, մոտավորապես ստանալու են հավասարաչափ հավելում և' զինված ուժերի գլխավոր շտաբի պետը, և' պայմանգրային շարքայինը։ Խնդրում եմ ընդունել այսքան սպասված որոշման նախագիծը»,- ասաց նախարարը։

Փաշինյանը հիշեցրեց, որ հունիսի 1-ից նախատեսված էր բարձրացնել զինվորականների աշխատավարձերը, և այս կարգավորումներով լուծում են մի խնդիր, երբ կրտսեր կազմի զինծառայողների և հատուկ պայմաններում ծառայություն իրականացնողների համար դրամական բավարարման մակարդակն ավելին կլինի:

«Մենք հայտարարել ենք, որ 10 տոկոսով աշխատավարձը կբարձրանա, բայց կրտսեր կազմինը ու հատուկ պայմաններում ծառայություն իրականացնող զինծառայողների աշխատավարձը կբարձրանա մինչև 20 տոկոսով»,- նշեց  նա։

Տոնոյանը լրացրեց, որաշխատավարձը բարձրանում է միջինը 18 տոկոսով կրտսեր ենթասպայական և շարքային կազմի համար, բայց այն զինծառայողները, որոնք առանձնահատուկ պայմաններում են իրականացնում իրենց ծառայությունը, հավելում են ստանալու, այսինքն՝ բավականին մեծ է լինելու տոկոսը:

Նախագիծն ընդունվեց։

 
Ամէն ինչ հունի մէջ
19 Հունիսի 2019, 17:14 Ամէն ինչ հունի մէջ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica