close
Եղանակը Երևանում
26 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
26 Հնս 2019
USD1477.33
GBP1605.45
EUR1542.20
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Քաղաքական խորհրդակցություններ են կայացել Հայաստանի և Լեհաստանի ԱԳՆ-ների միջև

Քաղաքական

22 Մայիսի 2019, 20:43
 Քաղաքական խորհրդակցություններ են կայացել Հայաստանի և Լեհաստանի ԱԳՆ-ների միջև

Մայիսի 21-ին Վարշավայում կայացան քաղաքական խորհրդակցություններ Հայաստանի և Լեհաստանի արտաքին գործերի գերատեսչությունների միջև: Հայկական պատվիրակությունը գլխավորում էր Հայաստանի ԱԳ նախարարի տեղակալ Ավետ Ադոնցը, լեհականը` Լեհաստանի ԱԳ պետքարտուղարի տեղակալ Մարչին Պշիդաչը (Marcin Przydacz):

Խորհրդակցությունների ընթացքում քննարկվեց հայ-լեհական հարաբերությունների զարգացմանն առնչվող հարցերի լայն շրջանակ՝ անդրադառնալով միջխորհրդարանական կապերի ակտիվացման, առևտրատնտեսական, գիտամշակութային և այլ բնագավառներին առնչվող հարցերին։

ԼՀ ԱԳ պետքարտուղարի տեղակալ Մարչին Պշիդաչը հատուկ ընդգծեց, որ Լեհաստանն աջակցում է Հայաստանում տեղի ունեցող փոփոխություններին և պատրաստ է օժանդակել Երևանին լայնամասշտաբ բարեփոխումներ իրականացնելու ջանքերում՝ ներառյալ Համապարփակ և ընդլայնված գործընկերության համաձայնագրի դրույթների իրականացման միջոցով:

Կողմերն անդրադարձան Հայաստան-ԵՄ հարաբերությունների, Արևելյան գործընկերության և միջազգային կազմակերպությունների շրջանակներում երկու երկրների գործակցության ընդլայնման հեռանկարներին, ինչպես նաև տարածաշրջանային վերջին զարգացումներին:

Փոխնախարար Ադոնցը շնորհակալություն հայտնեց՝ ԼՀ կառավարության նախաձեռնությամբ և ֆինանսավորմամբ, Հայաստանում ԼՀ դեսպանության օժանդակությամբ իրականացրած «Լեհական զարգացման համագործակցությունը Հայաստանում» ներդրումային ծրագրերի կապակցությամբ։

Նույն օրը պատվիրակությանը հյուրընկալեցին լեհական PWPW S.A. պետական ձեռնարկությունում, որտեղ քննարկեցին վերջինիս գործունեության շարունակության և ՀՀ համապատասխան գերատեսչության հետ համագործակցության հեռանկարները:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica