close
Եղանակը Երևանում
16 Հունիսի 2019
-2°
+3°Ցերեկ
-3°Գիշեր
weather
close
Փոխարժեք
16 Հնս 2019
USD1478.40
GBP1605.13
EUR1539.06
RUB17.43
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԵՄ-ն չպետք է թույլ տա Թուրքիային` անօրինականություն անել. Հունաստանի նախագահ

Տարածաշրջան

21 Մայիսի 2019, 17:19
 ԵՄ-ն չպետք է թույլ տա Թուրքիային` անօրինականություն անել. Հունաստանի նախագահ

ԵՄ Brexit-ի հարցերով գլխավոր բանակցող Միշել Բարնիեի հետ հանդիպման ժամանակ Հունաստանի նախագահ Պրոկոպիս Պավլոպուլոսը շնորհակալություն է հայտնել Կիպրոսի ինքնիշխանության և հատուկ տնտեսական գոտու վերաբերյալ որդեգրած դիրքորոշման համար և կոչ արել ԵՄ-ին` թույլ չտալ, որ Թուրքիան կատարի ապօրինի քայլեր:

Պավլոպուլոսը նշել է, որ Բարնիեն, պաշտպանելով Կիպրոսին այդ հարցում, պաշտպանում է միջազգային իրավունքն ու, հատկապես, ծովային իրավունքը, ապա` հավելել, որ ցանկանում է, որպեսզի Թուրքիան հարգանք ցուցաբերի միջազգային իրավունքի նկատմամբ, որովհետև դա կապված է Անկարայի` ԵՄ անդամակցության հեռանկարների հետ:

«Շատ կարևոր է, որ դուք գիտակցում եք Կիպրոսի հարցում միջազգային իրավունքին հարգանք ցուցաբերելու կարևորությունը, քանզի, եթե դուք թույլ տաք, որ Թուրքիան անօրեն գործողություններ իրականացնի, ծայրաստիճան վտանգավոր, բացասական օրինակ կստեղծենք: Բոլորն էլ գիտեն, որ Կիպրոսի հատուկ տնտեսական գոտին ԵՄ հատուկ տնտեսական գոտին է, և դա նշանակում է, որ պաշտպանելով Կիպրոսին, պաշտպանում ենք ԵՄ օրենքները»,- Հունաստանի նախագահի խոսքերն է մեջբերում Sputnik-ի թուրքական ծառայությունը:

Բարնիեն էլ, իր հերթին, հայտարարել է, որ Կիպրոսի իշխանությունների հետ միակարծիք են Թուրքիայի` Կիպրոսի հատուկ տնտեսական գոտում իրականացրած անօրինակությունների թեմայի հարցում:

Նշենք, որ մայիսի 4-ին Թուրքիան նավթի և գազի որոնողական աշխատանքների համար սկսել էր հորատման աշխատանքներ իրականացնել կիպրոսապատկան ջրերում, ինչին արձագանքեցին մի շարք պետություններ, այդ թվում` ԱՄՆ-ն, Մեծ Բրիտանիան, ԵՄ անդամ երկրներ և այլն:

Բողոքի ցույց Թբիլիսիում
15 Հունիսի 2019, 23:01 Բողոքի ցույց Թբիլիսիում
Քեսաբը ռմբակոծվել է
15 Հունիսի 2019, 15:11 Քեսաբը ռմբակոծվել է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica