close
Եղանակը Երևանում
20 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
20 Օգս 2019
USD1475.91
GBP1576.71
EUR1528.16
RUB17.12
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան ամենավերջին երկիրն է, որ պետք է մեզ դաս տա. ֆրանսիացի պատգամավոր

Տարածաշրջան

19 Ապրիլի 2019, 12:09
 Թուրքիան ամենավերջին երկիրն է, որ պետք է մեզ դաս տա. ֆրանսիացի պատգամավոր

Թուրքիայի Անթալիա քաղաքում օրերս կայացած` ՆԱՏՕ-ի Խորհրդարանական վեհաժողովում ֆրանսիական պատվիրակության անդամ, պատգամավոր Սոնյա Կրիմիի և Թուրքիայի ԱԳՆ ղեկավար Մևլութ Չավուշօղլուի միջև տեղի ունեցած միջադեպից հետո Կրիմին հարցազրույց է տվել Euronews լրատվական գործակալությանը, որում անդրադարձել է նաև Հայոց ցեղասպանությանը:

«Ըստ իս` թուրք ժողովուրդը կարողանում է առերեսվել իր պատմությանը: Ես չասացի, որ Թուրքիային եմ պատասխանատու համարում, ասում եմ, որ 1915 թ. դեպքերի մեջ մեղավոր է Օսմանյան կառավարությունը: Եթե կոտորած կամ ցեղասպանություն չի եղել, չնայած այդ ժամանակ ցեղասպանություն տերմին դեռևս չկար, ինչո՞ւ են թուրքական դատարանները դատել թուրք պաշտոնյաներին:

Հայոց ցեղասպանության փաստը հերքելը չեմ կարծում, որ հանցանք է, սակայն բոլորը պետք է հարգեն Ֆրանսիայի Սահմանադրությունը: Ես չեմ ասում, որ Թուրքիան պետք է ընդունի Ցեղասպանությունը: Մենք` ֆրանսիացիներս, ցանկացել ենք ապրիլի 24-ը նշել որպես Հայոց ցեղասպանության զոհերի ոգեկոչման օր, դա մեր իրավունքն է, մեր օրենքը: Թուրք պաշտոնյաները փորձում են մեզ դաս տալ: Թուրքիան ամենավերջին երկիրն է, որ պետք է մեզ դաս տա: Մեր ժողովրդավարությունը կատարյալ չէ, սակայն մեր բանտերում լրագրողներ չկան:

Ֆրանսիան ցեղասպանությո՞ւն է իրականացրել Ռուանդայում, Ալժիրում: Ոչ: Ֆրանսիան ընդունո՞ւմ է  Ալժիրում իրականացրած հանցանքները: Այո: Ֆրանսիան ընդունո՞ւմ է, որ մասնաբաժին ունի նաև Հայոց ցեղասպանության ժամանակ սխալ որոշումների կայացման մեջ: Այո: Տարբերությունը սա է: Մենք Մակրոնի հրամանով հանձնաժողով ենք ստեղծել, որի նպատակը Ռուանդայի դեպքերն ուսումնասիրելն է: Ինչ եզրակացություն էլ տա, Ֆրանսիան պատրաստ է դա ընդունել: Մեր և Թուրքիայի միջև տարբերությունը դա է: Թուրքերին էլ խորհուրդ կտամ նման ձև վարվել»,- ասել է Կրիմին:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica