close
Եղանակը Երևանում
24 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
24 Հլս 2019
USD1476.13
GBP1592.26
EUR1532.17
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հյուսիս-հարավի շինաշխատանքներն իրականացնող 17 ընկերություն 1.5 մլրդ-ից ավելի գումար չեն ստացել իսպանական ընկերությունից. Հակոբ Արշակյան

Տնտեսական

25 Մարտի 2019, 16:33
 Հյուսիս-հարավի շինաշխատանքներն իրականացնող 17 ընկերություն 1.5 մլրդ-ից ավելի գումար չեն ստացել իսպանական ընկերությունից. Հակոբ Արշակյան

Հյուսիս-հարավ ավտոճանապարհի շինարարական աշխատանքներն իրականացնող 17 կապալառու ընկերություն 1.5 մլրդ դրամից ավելի գումար չեն ստացել իսպանական ընկերությունից: Այս մասին կառավարության այսօրվա նիստից հետո լրագրողների հետ ճեպազրույցում հայտնեց ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը:

«Խոսքը Տրանշ-2-ին է վերաբերում՝ Աշտարակ-Թալին հատվածին: Կապալառու իսպանական ընկերությունն ունեցել է հայկական ենթակապալառու ընկերություններ և նրանց հետ կնքել է պայմանագրեր, որպեսզի օգնեն իրենց այդ ճանապարհաշինարարական աշխատանքներն իրականացնելու հարցում: Նրանք օգնել են, իրականացրել են որոշակի ծավալի աշխատանքներ, սակայն իսպանական ընկերությունը չի վճարել այդ հատվածի աշխատանքների իրականացման համար: Այն ստացականները, որոնք ստացվել են իսպանական ընկերության վերահսկող ինժեներական ընկերության կողմից, որոնք տրվել են նախարարությանը, և ապացուցվել է, որ այդ աշխատանքը կատարվել է, դրա դիմաց իսպանական ընկերությունը վճարել է: Թե ինչ պատճառով նա չի վճարել ենթակապալառուներին, մեզ հայտնի չէ: Այնուամենայնիվ, մենք բազմիցս կոչ ենք արել, որ գործընկերային հարաբերություններում վճարումն իրականացվի, և այդ ընկերությունները, որոնք օգնել են շինարարության հարցում, կարողանան իրենց աշխատակիցներին վճարել»,- նշեց նախարարը՝ շեշտելով, որ պետությունն իր պարտավորություններն ամբողջապես կատարել է:

Հակոբ Արշակյանը հայտնեց, որ իսպանական ընկերությունն ունի սնանկության կառավարիչ, որի հետ բանակցություններ են տարվում: «Առաջիկայում սպասվում է նաև սնանկության կառավարչի այցը Հայաստան, որպեսզի բանակցությունները շարունակվեն»,- ասաց նա:

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica