close
Եղանակը Երևանում
23 Հուլիսի 2019
-2°
+3°Ցերեկ
-3°Գիշեր
weather
close
Փոխարժեք
23 Հլս 2019
USD1476.18
GBP1593.70
EUR1534.18
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե զորակոչիկը չի համապատասխանում չափանիշներին, չի կարող ծառայել արդեն ծառայության մեջ գտնվող եղբոր հետ

Հասարակություն

21 Մարտի 2019, 13:55
 Եթե զորակոչիկը չի համապատասխանում չափանիշներին, չի կարող ծառայել արդեն ծառայության մեջ գտնվող եղբոր հետ

Կառավարության այսօրվա նիստի օրակարգում ընդգրկված էր նաև «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքի նախագիծը, որով հստակեցվում են պարտադիր զինվորական ծառայության զորակոչի և պայմանագրային ծառայության կազմակերպման, զինծառայողների և նրանց հավասարեցված անձանց սոցիալական երաշխիքների ապահովման հետ կապված մի շարք հարցեր:

«Նախագծի երկրորդ հոդվածով նախատեսվում է՝ քաղաքացուն պարտադիր զինվորական ծառայությունից ազատելու դիմումը կառավարությունը կարող է մերժվել Հայաստանի Հանրապետության կառավարության լիազորած պետական մարմնի կողմից՝ սույն մասի համաձայն Հայաստանի Հանրապետության: Խոսքը վերաբերում է 26 տարին լրացած զինծառայողներին, որոնք մի քանի տարկետումների արդյունքում հասնում են 26 տարեկանի, այսինքն՝ խոսքը սպորտի, մշակույթի, գիտության ոլորտներում իրար հետևից տարկետումներ ստացածների մասին է, որ մեկ տարի է մնում զինծառայությունից ազատմանը: Իսկ երրորդ հոդվածով տարկետման  իրավունք է սահմանված միջին մասնագիտական ուսումնական հաստատություններում սովորողների  համար: Չորրորդ հոդվածով սահմանվում է, որ միաժամանակ զորակոչվող եղբայրների կողմից նույն զորամասում ծառայության նշանակվելու ցանկության դեպքում վիճակահանությանը մասնակցում է եղբայրներից մեկը, իսկ ծառայության մեջ գտնվող եղբայր ունեցող զորակոչիկը եղբոր ծառայության վայր կարող է նշանակվել, եթե բավարարում է տվյալ զորամասում ծառայության նշանակվելու պայմաններին՝ առողջական վիճակ, պատվո պահակային վաշտ, նվագախումբ և այլն: Այսինքն՝ եթե զորակոչվողը չի համապատասխանում չափանիշներին, պարզ է՝ պատվո պահակայինում չի կարող ծառայել»,-մանրամասնեց ՀՀ պաշտպանության նախարար Դավիթ Տոնոյանը՝ հավելելով, որ օրենքի նախագծով հստակեցվում են նաև պայմանագրային ծառայության ժամկետները:

ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը միջամտեց, որ պետք է հաշվի առնել նաև զինծառայողի ընտանիքի սոցիալական վիճակը: «Եթե տղաներից մեկը ծառայում է պատվո պահակախմբում, ո՞րն է խոչընդոտը, որ մյուս եղբայրն էլ այդտեղ ծառայի»,- հարցրեց նա:

«Հասակը»,- պատասխանեց Տոնոյանը:

«Բայց երկու տղայի է ուղարկում բանակ՝ մեկն ընկնում է Վանաձոր, մյուսը՝ Մեղրի»,- հակադարձեց Արշակյանը:

Դավիթ Տոնոյանը մանրամասնեց, որ ասվածը նաև հատուկ ստորաբաժանումներին է վերաբերում: «Զորամասից է կախված, դրա համար նրանց ֆիզիկական տվյալները և առողջական վիճակը կարևոր են»,- շեշտեց նա:

Ներկայացված օրինագիծը գործադիրն ընդունեց: 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica