close
Եղանակը Երևանում
20 Հոկտեմբերի 2019
+12°
+21°Ցերեկ
+12°Գիշեր
weather
close
Փոխարժեք
20 Հոկ 2019
USD1476.34
GBP1614.19
EUR1530.17
RUB17.45
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կոչ ենք անում պատկան մարմիններին` դրսևորել ողջախոհություն, մի կողմ թողնել վերջնագրերի լեզուն և պահպանել ուսուցիչների աշխատանքի իրավունքը

Հասարակություն

21 Մարտի 2019, 12:36
 Կոչ ենք անում պատկան մարմիններին` դրսևորել ողջախոհություն, մի կողմ թողնել վերջնագրերի լեզուն և պահպանել ուսուցիչների աշխատանքի իրավունքը

Մարտի 12-ից մինչ օրս Արարատի մարզի Ավշար համայնքում իրավիճակը մնում է լարված: Համայնքի միջնակարգ դպրոցում տեղի ունեցող իրադարձությունները, շարունակվող դասադուլն ու գործադուլը խաթարել են դպրոցի բնականոն ուսումնական գործընթացը և մատաղ սերնդի` կրթություն ստանալու իրավունքը:

Դպրոցը, կրթօջախ լինելուց բացի, սոցիալական այն ոլորտն է, որը միավորում է հասարակության գրեթե բոլոր սոցիալական շերտերին, ուստի կրթական ոլորտում առաջացող խնդիրները գտնվում են մեր ուշադրության ներքո:

Հաշվի առնելով հարցի հասարակական հնչեղությունն ու կարևորությունը՝ կոչ ենք անում պատկան մարմիններին` դրսևորել ողջախոհություն, կադրային հարցերում չառաջնորդվել կամայական ու կողմնակալ որոշումներով, պահպանել ուսուցիչների աշխատանքի իրավունքը, մի կողմ թողնել վերջնագրերի լեզուն և համատեղ քննարկումների արդյունքում հասնել խնդրի դրական լուծմանը, քանի որ, ի վերջո, հարցը վերաբերում է ապագա սերնդի կրթությանն ու դաստիարակությանը, ինչն, անկասկած, վեր է ամեն տեսակի անձնական շահերից ու հետաքրքրություններից:

Հույս ենք հայտնում, որ սեղմ ժամկետներում դպրոցի բնականոն աշխատանքը կվերականգնվի, և ուսուցչական կազմն ու աշակերտները կվերադառնան իրենց դասասենյակները:

ՀՅԴ Վեդու «Ս. Թաթոսյան» կոմիտե

21.03.2019


«Անձնական տեռոր»․ 168.am
19 Հոկտեմբերի 2019, 11:35 «Անձնական տեռոր»․ 168.am
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica